ჯანდაცვის მინისტრის, დავით სერგეენკოს განცხადებით, საქართველოში გრიპის ვირუსით დაავადებულთა რიცხვმა იმატა, თუმცა ეპიდემიის საფრთხე ჯერ არ არსებობს.
გორსა და ზუგდიდში სავარაუდოდ, H1N1 ვირუსით გუშინ ახალგაზრდა ქალი და კაცი გარდაიცვალნენ. imedinews-ის მიერ გამოქვეყნებული ინფორმაციით, კიდევ ერთი, 21 წლის ქალი თბილისის ერთ-ერთ კლინიკაში, ბორჯომიდან დღეს გადმოიყვანეს და მისი მდგომარეობა კრიტიკულია.
სერგეენკოს თქმით, სოციალურად დაუცველები და ორსულები მედიკამენტ „ტამიფლუს“ უფასოდ მიიღებენ
დაავადებათა კონტროლის ეროვნული ცენტრის ინფორმაციით, გრიპის ვირუსის გავრცელების მაჩვენებელი გაიზარდა. უახლესი სტატისტიკით, 100 ათას მოსახლეზე ვირუსით 276 ადამიანია დაავადებული, წინა კვირაში კი ეს მაჩვენებელი 1000 ათას მოსახლეზე 221 ადამიანი იყო.
31 დეკემბერს ცენტრის ხელმძღვანელმა ამირან გამყრელიძემ განაცხადა, რომ ვირუსების 95% ე.წ. ღორის გრიპია.
