ყირიმის ოკუპაცია – რუსეთ-უკრაინა შეიარაღებული კონფლიქტის ზღვარზე. ყირიმის ნახევარკუნძულის სანავიგაციო სამსახურზე და სიმფეროპოლის აეროპორტზე უკვე რუსული დროშა ფრიალებს, კონტროლი დაახლოებით ერთი საათის წინ ისევ დაიბრუნეს შეიარაღებულმა დაჯგუფებებმა.
პარალელურად, რუსეთში საბრძოლო მზაობისთვის ემზადებიან. კრემლი ამავდროულად ამარტივებს ტერიტორიების გაფართოების პროცედურასაც.
უკრაინის ახალი ხელისუფლება კი პირველად ალაპარაკდა ოკუპაციაზე. “ეს პირდაპირი პროვოკაციაა სუვერენული სახელმწიფოს ტერიტორიაზე”,- წერია ოფიციალურ განცხადებაში.
საერთაშორისოდ ძებნილი იანუკოვიჩი კი საკუთარ თავს ისევ პრეზიდენტს უწოდებს. მისი ექსტრადიციის მოთხოვნით, რუსეთს უკრაინის ხელისუფლებამ მიმართა.
28.02.14
