ეკონომიკური ზრდის ტემპები, რომელიც გასულ ორ თვეში დაფიქსირდა, დამაიმედებელია, – ამის შესახებ ჟურნალისტებს ფინანსთა მინისტრმა ნოდარ ხადურმა განუცხადა.
მისივე განმარტებით, ეკონომიკური ზრდის ტემპი იძლევა გარანტიას, რომ ეკონომიკის 5%-იანი ზრდის პროგნოზი შესრულდება.
“თავისთავად ცხადია, რომ პოლიტიკური და გეოპოლიტიკური რისკები არსებობს, ამაზე თავიდანვე ვსაუბრობდით, მაგრამ იმედი გვაქვს, რომ მათ შორის უკრაინაში მიმდინარე მოვლენები სტაბილიზაციის მიმართულებით განვითარდება. ეკონომიკური ზრდის ტემპები, რომელიც გასულ ორ თვეში საქართველოში დაფიქსირდა, დამაიმედებელია და გარანტიას, იძლევა, რომ პროგნოზი შესრულდება”, – განაცხადა ფინანსთა მინისტრმა.
რაც შეეხება უშუალოდ უკრაინას, ნოდარ ხადური იმედოვნებს, რომ ის დახმარება, რომელიც უკრაინას საერთაშორისო ორგანოზაციების მხრიდან მიეცემა, იმის გარანტია იქნება, რომ უკრაინის ეკონომიკა პოლიტიკურ კრიზისს გაუძლებს და ექსპორტიორებისთვის საინტერესო ბაზრად დარჩება.
07.03.14
