2013 წლის IV კვარტალში მთლიანი შიდა პროდუქტის მაჩვენებელმა მიმდინარე ფასებში 7 674,4 მლნ. ლარი შეადგინა.
სტატისტიკის ეროვნული სამსახურიდან აცნობეს, წინა წლის შესაბამისი კვარტალის მიმართ მთლიანი შიდა პროდუქტის რეალური ზრდა 7,1 პროცენტის დონეზე დაფიქსირდა, ხოლო დეფლატორი შემცირდა 0,4 პროცენტით.
მთლიანი შიდა პროდუქტის დარგობრივ სტრუქტურაში ყველაზე დიდი წილით გამოირჩევა ვაჭრობა (17,8 პროცენტი) და მრეწველობა (17,7 პროცენტი). შემდგომ პოზიციებს იკავებს სახელმწიფო მმართველობა (11,7 პროცენტი), ტრანსპორტი და კავშირგაბმულობა (9,8 პროცენტი), სოფლის მეურნეობა, მეთევზეობა (8,3 პროცენტი), ჯანმრთელობის დაცვა და სოციალური დახმარება (5,4 პროცენტი).
ამასთან, სტატისტიკის ეროვნული სამსახურის ინფორმაციით, დაზუსტებული მონაცემები გამოქვეყნდება 2014 წლის 15 ნოემბერს.
20.03.14
