„პროკურატურამ ვირუსის როლი ითამაშა ამ გაუგებარი განცხადებებით. კომპეტენციების სრული აღრევა მოხდა, ამას ქვია ბარდაკი. ისეთი ტაქტიკით გაავრცელეს ინფორმაცია, რომ კითხვის ნიშნები კი არ შეამცირეს, გაზარდეს“. საპატრიარქოში მიმდინარე პროცესებზე და სიტუაციის გამწვავებაში ხელისუფლების როლზე, პოლიტიკურმა ექსპერტმა გია ხუხაშვილმა „ტვ პირველზე“, გადაცემა „დიანა ტრაპაიძის დღის ამბების“ეთერში ისაუბრა.
„მთლიანად სურათი არის მძიმე,დიდი ხანია მიდის ამ ქვეყანაში ავტორიტეტების ნგრევა, თითქოს ვიღაცას აქვს ამოცანა, რომ არავინ იყოს ამ ქვეყანაში ავტორიტეტი. ეს იყო გზავნილი და ნეგატიური მენეჯმენტით ვხედავთ, რომ სანთელივით დანთებულ ინსტიტუტს ეკლესიის სახით, სერიოზული პრობლემები შეექმნა. ვითარების აფეთქება გამოიწვია პოლიტიზირებულმა დრამატულმა განცხადებებმა, განსაკუთრებით პრემიერმინისტრის, როდესაც ამბობდა, რომ ჯარი გადასხა გერმანიაში და ქვეყანა ტრაგედიას გადაარჩინა.
შემდეგ ზოგი თავდაცვის პოზიციაში ჩადგა, ვიღაცამ დრო იხელთა რომ თავდასხმაზე გადასულიყო.დღეს პოლიტიკური და საზოგადოებრივი ელიტა ორ ნაწილად გაიყო, ეს ადამიანები მთელ საზოგადოებას ვირუსივით მოედნენ. მრევლი დაბნეულია, იქაც გახლეჩვის პროცესი მიმდინარეობს,” – ანაცხადა გია ხუხაშვილმა.
მანანა ღოღობერიძე
