ათონელზე რეზიდენცია შენდება, როგორც პრეზიდენტის ადმინისტრაცია და სხვა რაიმე დავალება მთავრობის მხრიდან არ ყოფილა , – ამის შესახებ ჟურნალისტებს რეგიონული განვითარებისა და ინფრასტრუქტურის მინისტრმა დავით ნარმანიამ იმ კითხვის საპასუხოდ განუცხადა, თუ რისთვის იქნება განკუთვნილი ათონელის ქუჩაზე რეზიდენცია, მაშინ როდესაც პრეზიდენტმა გიორგი მარგველაშვილმა გადაწყვიტა ავლაბრის სასახლეში შესულიყო.
“ჩვენ მთავრობის განკარგულებით და შესაბამისი პროცედურებით დავალებული გვაქვს, რომ ეს რეზიდენცია გავაკეთოთ როგორც საპრეზიდენტო რეზიდენცია. ამიტომ ის უნდა პასუხობდეს იმ მინიმალურ მოთხოვნებს, რაც წაეყენება ადმინისტრაციას. აქედან გამომდინარე, ჯერჯერობით, ჩვენ ამ მიმართულებით მივდივართ და ჩვენ სხვა რაიმე დავალება მთავრობის მხრიდან არ მიგვიღია”, – განაცხადა დავით ნარმანიამ.
27.03.14
