საქართველოს პრემიერ-მინისტრის, ირაკლი რარიბაშვილის საგანმანათლებლო ინიციატივების უნივერსიტეტებში პრეზენტაცია გრძელდება.
მთავრობის ადმინისტრაციის უფროსის მოადგილე ნინო კობახიძემ ინიციატივები დღეს საქართველოს ტექნიკური უნივერსიტეტის სტუდენტებს გააცნო.
ნინო კობახიძემ თითოეული ინიციატივის არსი დეტალურად განმარტა და აღნიშნა, რომ განათლება საქართველოს მთავრობის ერთ-ერთი უმნიშვნელოვანესი პრიორიტეტია.
პრეზენტაციის შემდეგ მთავრობის ადმინისტრაციის უფროსის მოადგილემ სტუდენტების კითხვებს უპასუხა. შეხვედრა ტექნიკურ უნივერსიტეტში ინტერაქტიულ რეჟიმში წარიმართა და მას უნივერსიტეტის რექტორი არჩილ ფრანგიშვილიც დაესწრო.
საქართველოს პრემიერ-მინისტრის ინიციატივებმა, რომლებიც საერთაშორისო განათლების ცენტრის შექმნას, სოციალურად დაუცველი სტუდენტებისთვის საერთო საცხოვრებლების აშენებას და საჯარო უწყებებში სავალდებულო სტაჟირებას გულისხმობს, სტუდენტები დააინტერესა.
პრემიერის საგანმანათლებლო ინიციატივების პრეზენტაცია ეტაპობრივად საქართველოს ყველა უნივერსიტეტში გაიმართება.
10.04.14
