ინფორმაციას ახალგაზრდული მოძრაობა “დავითიანნი” ავრცელებს: “შეტყობინება კაზრეთიდან მივიღეთ. ადგილობრივმა მოსახლეობამ მოგვაწოდა ინფორმაცია, რომ იქ მთელი დღის განმავლობაში სამუშაოები მიმდინარეობდა და მძიმე სამუშაო ტექნიკა გადაადგილდებოდა და სავარაუდოდ კანონდარღვევითი სამუშაოები განახორციელეს.
დღეს, საყდრისთან მოგვიანებით ჩვენი ჯგუფიც იმყოფებოდა და სამწუხაროდ, მუშაობის კვალი მართლაც აღინიშნება. ფაქტია, რომ ეს იყო საყდრისის ვანდალური დარბევისა და განადგურების მორიგი ეტაპი.
წყაროს ინფორმაციით, საყდრისიდან დღეს 20-მდე დატვირთული სატვირთო მანქანა გავიდა.” – ნათქვამია განცხადებაში.
ახალგაზრდული მოძრაობა “დავითიანნი” საზოგადოებას კონსოლიდაციისაკენ მოუწოდებს და ხელისუფლებას და შესაბამის ორგანოებს სასწრაფოდ სათანადო ზომების მიღებას ურჩევს.
როგორც ცნობილია, კერძო კომპანიას არ ჰქონდა უფლება საყდრისზე სამუშაოები ეწარმოებინა, ვიდრე არ დასრულდებოდა სასამართლო დავები. კომპანიას არ ჰქონდა უფლება ასევე სამუშაოები მოწვეული ექსპერტების დაკვირვების გარეშე გაეგრძელებინა.
13.04.14
