ტელეკომპანია TV3-ის გადამღები ჯგუფი ოკუპირებულ ტერიტორიაზე არ შეჭრილა. ბელა ზაქაიძემ, ვახო ლეკიაშვილმა და მიხეილ მიხოევმა მრავალწლიანი გამოცდილებიდან გამომდინარე კარგად იციან, როგორ უნდა იმუშაონ.
“ტელეკომპანია TV3 გადამღები ჯგუფის გათავისუფლების მოლოდინშია. ჟურნალისტი ბელა ზაქაიძე, ოპერატორი ვახო ლეკიაშილი და ტელეკომპანიის ტექნიკური თანამშრომელი მიხეილ მიხოევი გუშინ, დაახლოებით 17.00 საათზე, მაშინ დააკავეს, როცა სოფელ აძვში საზღვრის გადმოწევის ფაქტს აშუქებდნენ. ჟურნალისტი 17.00 საათიან საინფორმაციო გამოშვების პირდაპირი ჩართვისთვის ემზადებოდა. სწორედ ამ პერიდოდან გაწყდა გადამღებ ჯგუფთან სატელეფონო კავშირიც. ვაცხადებთ, რომ ბელა ზაქაიძესა და ვახო ლეკიაშვილს ჟურნალისტური საქმიანობის მრავალწლიანი გამოცდილება აქვთ და მათ კარგად იციან, როგორ უნდა იმუშაონ საზვრისპირა სოფლებში. ისინი არ თუ არ შეჭრილან ოკუპირებულ ტერიტორიაზე, არც კი მიახლოებიან ე.წ. საზვარს”, – აცხადებენ ტელეკომპანიაში.
ამასთან, TV3 მადლობას უხდის სახელმწიფო უწყებებს და ევროკავშირის სადამკვირვებლო მისიას, რომლებიც ტელეკომპანიის განცხადებით, ძალას არ იშურებენ ტელეკომპანიის თანამშრომლების ოკუპირებული ტერიტორიიდან დასასხნელად.
“ასევე მადლობას ვუხდით ჩვენს კოლეგა მედია საშუალებებს, რომლებიც უწყევტ რეჟიმში აშუქებენ თV3-ის გადამღები ჯგუფის გარშემო განვითარებულ მოვლენებს”, – აცხადებენ ტელეკომპანიაში.
16.04.14
