საქართველოს მთავრობის N59 დადგენილებით, შეიცვალა სურსათის ეროვნული სააგენტოს წინასაიმპორტო ვეტერინარულ-ინსპექტორული კონტროლის განხორციელების ვადები და საფასური.
მიმდინარე წლის 21 აპრილიდან, დაინტერესებული მხარის მოთხოვნით ჩატარებული ინსპექტირების ღირებულება არაკეთილსაიმედო ქვეყნების საწარმოებში განისაზღვრება შემდეგი ტარიფებით: სომხეთსა და აზერბაიჯანში – 1600 აშშ დოლარი; რუსეთში, აღმოსავლეთ და დასავლეთ ევროპაში – 2500 აშშ დოლარი; აზიაში – 8000 აშშ დოლარი; ჩრდილოეთ აფრიკაში – 5000 აშშ დოლარი; სამხრეთ აფრიკაში – 6000 დოლარი; ჩრდილოეთ და სამხრეთ ამერიკაში – 8000 აშშ დოლარი.
წინასაიმპორტო ვეტერინარულ-ინსპექტორული კონტროლის განხორციელების ვადა 6 თვიდან გაიზარდა 1 წლამდე, რაც იმას ნიშნავს, რომ აღნიშნული საწარმოებიდან ვეტერინარულ კონტროლს დაქვემდებარებული პროდუქციის იმპორტის მიზანშეწონილად მიჩნევისას, იმპორტი შეიძლება განხორციელდეს ერთი წლის განმავლობაში, ნაცვლად 6 თვისა.
დაინტერესებული პირის მოთხოვნის შემთხვევაში, წინასაიმპორტო ვეტერინარულ-ინსპექტორული კონტროლი ერთი მომსახურების საფასურით შეიძლება განხორციელდეს ერთი ქვეყნის არაუმეტეს ორ საწარმოში.
23.04.14
