ამერიკის შეერთებული შტატების სახელმწიფო მდივნის თანაშემწის მოადგილე თომას მელია ქართული არასამთავრობო ორგანიზაციების წარმომადგენლებს შეხვდა.
როგორც სასტუმრო “ქორთიარდ მარიოტში” გამართული შეხვედრის დასრულების შემდეგ არასამთავრობო ორგანიზაციების წარმომადგენლებმა განაცხადეს, შეხვედრის მთავარი თემა იყო ქვეყანაში არსებული საარჩევნო გარემო და თვითმმართველობის არჩევნები.
“ახალგაზრდა იურისტთა ასოციაციის” თავმჯდომარის, კახა კოჟორიძის თქმით, სასაუბრო ძირითადი თემა იყო ადგილობრივი თვითმმართველობის არჩევნები და არჩევნებთან დაკავშირებით ის პოზიტიური და ნეგატიური მოვლენები, რაც ამასთან დაკავშირებით არსებობს.
კახა კოჟორიძის თქმით, მათ პოზიტიურად შეაფასეს ის ფაქტი, რომ პირველად იქნება პირდაპირი წესით არჩეული მერები და გამგებლები. თუმცა, მისივე თქმით, საუბარი იყო სხვა პრობლემატურ საკითხებზე, რაც ქვეყანაში კვლავ არსებობს.
თომას მელია ამ წუთებში მედიის წარმომადგენლებს ხვდება. შეხვედრის მთავარი თემა ქვეყანაში არსებული მედიაგარემოა. თავად თომას მელიას კომენტარი არ გაუკეთებია, ის განცხადებას შეხვედრის დასრულების შემდეგ გააკეთებს.
ვიზიტის ფარგლებში ის ასევე შეხვდება პრეზიდენტს, ხელისუფლების სხვა წარმომადგენლებს და კოალიცია “ქართული ოცნების” წევრებს.
23.04.14
