„ბევრმა საერთოდ არ იცის კაზრეთი ტერიტორიულად სად მდებარეობს, ხელფასი კი აქვთ 10 000 და ზემოთ, თუ გნებავთ გადაამოწმეთ, აქ 5000-ის გამო როგორ ჩამოვალო ამბობენ, ბევრს არც უნახავს კაზრეთი“ – აცხადებს მიშიკო ყაფლანიშვილი, რომელიც კაზრეთის მკვიდრია.
იგი ღიად საუბრობს კომპანია RMG Gold-ში მიმდინარე პროცესებზე, იქ დასაქმებულებზე და სამუშაო პირობებზე, ასევე საყდრისის ძეგლზე.
„ არ ვარ კმაყოფილი არც მე და არც გაფიცული ხალხი, რომლთა რიცხვი 99%-ია. სამუშაოდ შესული ხალხის 60 %-ი უკვე გატეხილი იყო ფინანსურად, ფიზიკურად, ფსიქოლოგიურად, მათ სხვა გზა აღარ ქონდათ. ხალხს არ დაეკითხნენ აზრს, ამაზე ძან ბევრი იმუშავეს, 20 000 ლარს, რომ უხდიან იმას თავისი საქმე აქვს, მისი დავალებაა გაწყვიტოს ხალხი როგორც მორალურად, ასევე ფიზიკურად.
ბევრმა საერთოდ არ იცის კაზრეთი ტერიტორიულად სად მდებარეობს, ხელფასი კი აქვთ 10 000 და ზემოთ, თუ გნებავთ გადაამოწმეთ, აქ 5000-ის გამო როგორ ჩამოვალო ამბობენ, ბევრს არც უნახავს კაზრეთი. გორაზე, რომელსაც ხედვთ არის ოქროც და სპილენძიც. მე ცოტა ხანი მქონდა საშუალება და ვიმუშავე სინჯებზეც, თვითონ ვიყავი აპარატთან, ყველგან ამოდიოდა სპილენძი და ოქრო, საყდრისის მაღაროზე, არის თვითნაბადი ოქრო, რომელიც სჭირდებათ მარტო თავიანთვის. ამათ აქვთ გათვლილი, რამდენიმე თვეში, შეიძლება 6-7 თვეშიც, უცებ მოიპოვონ ოქრო და წავიდნენ, თორემ აქ იმდენია სამუშაო, მარაგი იმდენია, სამი და ოთხი კაზრეთის სიდიდისაა, არათუ თვეების და დღებიის ასწლეულების სამუშაოა.
არის კიდევ დაკონსერვებული მაღაროები, რეზერვები, ის ექვემდებარება დამუშავებას. იქაც არის ოქრო, ვერცხლი, სპილენძი, ფერადი ლითონი. უბრალოდ ეს ეჩქარებათ, თუ აირია ქვეყანა უცებ აიღონ და წავიდნენ. ამის თქმის საშუალებას მაძლევს პრაქტიკა და ის რაც დავინახე, მძღოლად ვმუშაობ, მე პასუხისმგებელი ვარ ჩემს სიტყვებზე.
ხალხი ყავთ ძალიან ცუდ მდგომარეობაში, მიზერულ თანხასაც არ უხდიან, მუშაობენ იმაზე მეტს რაც არ ეკუთვნით, მაგრამ მიზერულსაც არ უხდიან, 12 საათს ვმუშაობთ მინიმუმ. თავიდან 8 საათისას გვიხდიდნენ 12 საათინ სამუშაოში, მერე გადავიდა 10 საათზე. მთვარი რაც არის ჩვენთვის, ჩვენი შვილებისთვის და შვილიშვილებისთვის ამ ისტორიული ძეგლის შენარჩუნებაა. ხალხს ეუბნებიან თუ თქვენ პრეტენზიას გამოთქვამთ აღარ გექნებათ სამსახურიო.
პრემიერ-მინისტრი, რომ გამოვიდა ბრტყელ-ბრტყელი სიტყვებით, სამი ათასი თანამშრომელი მუშაობსო, ორი სიტყვა თქვა და ორიდან არც ერთი სიტყვა არ იყო სერიოზული. 3 000 ადამიანი მუშაობსო და მე ხომ არ დავტოვებო უმუშევარსო. 3000 შეიძლება ოფიციალურად მუშობდეს, იქ გატარებული ყავდეთ უბრალოდ, მაგრამ რეალურად 1 200 ადამიანია მუშა-მოსამსახურე. 1200-დან სადღაც 200 იქნება მაღალი ეშელონი, ათას ადამიანს რად უნდა 200 დირექტორი, მიხვდით რა ხდება? იმის ხელფასს იღებს ის 200 დირექტორი. თუ მუშაობს 3000 დაგვისახელოს, ჩამოთვალოს ყველა ყველას ვიცნობთ და არაა აქ არაფერი დასამალი. აქ ინვესტიცია 50 წელია არავის არ უნახავს, 300 მილიონის ინვესტიცია შემოიტანაო, რის 300 მილიონი ხალხო?! რამდენ მილიონად გაიყიდა ეს ფაბრიკა-ქარხნები იცით თქვენ?! კაპიკებში, ერთმა აიღო თავისას მიყიდა, ბიძაშვილს და ა.შ.
კერძო საკუთრება არის ის შენობა, დანადგარი, აპარატურა, კერძო საკუთრება არ ვარ მე, მე ვარ ადამიანი, ვეკუთვნი ჩემს თავს და ასეა ყველა იქ მომსახურე. ამიტომ უნდა ჩარეულიყო მთავრობა, კერძო საკუთრებას არ ეხებოდა, ეხებოდა თავის ხალხს. მოხედონ თავის ხალხს, ეს არის ხალხის, ეს არის საქართველოსი, საქართველო კი ვარ მე, ხარ შენ და ვართ ჩვენ სულ ყველა, ეს არის ჩვენი, ამას ვერავინ წაგვართმევს, ვინც არ უნდა შემოვიდეს, “ – საუბრობს კაზრეთის მკვიდრი.
ირაკლი ღარიბაშვილმა დღეს განაცხადა, რომ RMG Gold-ში დასაქმებულია 3 ათასი ოჯახი. “მინდა მივმართო იმ ადამიანებს, რომლებიც წუხან – მე მესმის მათი წუხილი, რომ თითქოს ძეგლის გადარჩენას ცდილობენ. მინდა მათ შევახსენო – ამ ორგანიზაციაში დასაქმებულია 3 ათასი ოჯახი და კარგად გაიაზრონ ის პასუხისმგებლობა, რომელიც დაეკისრება მათ, თუ რაიმე შეფერხება შეექმნება აღნიშნულ კომპანიას. მინდა მოგიწოდოთ როგორც მინისტრს სასწრაფოდ მოაგვაროთ ეს პრობლემა”, – განაცხადა ღარიბაშვილმა.
23.04.14
ლანა წურწუმია