წელიწადნახევრიანი ძებნის შემდეგ ცნობილი ხდება დათა ახალაიას სავარაუდო ადგილსამყოფელი.
ადვოკატებისა და ოჯახის ინფორმაციით, კუდ-ის ყოფილი ხელმძღვანელი საბერძნეთშია და, პოლიტიკური თავშესაფრის მიღების მიზნით, შესაბამის სამართლებრივ პროცედურებს გადის.
თუმცა პარალელურად, ბერძნულ მედიაში ვრცელდება ცნობა, რომლის მიხედვით ექსმაღალჩინოსანი, ყალბი დოკუმენტების აღმოჩენისთვის, ქალაქ პატრასშია დაკავებული.
კონსტიტუციური უსაფრთხოების დეპარტამენტის ყოფილმა უფროსმა საქართველო 2012 წლის საპარლამენტო არჩევნების შემდეგ დატოვა. ნავთლუღის სპეცოპერაცია, სანდრო გირგვლიანის მკვლელობა და პოლიციელებისთვის თავისუფლების აღკვეთის ეპიზოდი – ის საქმეებია, რომლებზეც ახალაიას წინააღმდეგ სისხლის სამართლებრივი დევნა მიმდინარეობს. შინაგან საქმეთა სამინისტროს ექსჩინოვნიკს ინტერპოლის წითელი ცირკულარით ეძებენ.
24.04.14
Discussion about this post