საქართველოს პრეზიდენტი გიორგი მარგველაშვილი ესტონეთის პრეზიდენტის ტომას ჰენდრიკ ილვეს მიწვევით ტალინში სამუშაო ვიზიტით იმყოფება.
პრეზიდენტის პრესსამსახურის ინფორმაციით, გიორგი მარგველაშვილი ესტონეთის დედაქალაქში ქვეყნის პრეზიდენტის გარდა პრემიერ-მინისტრს ტაავი რიივას, საგარეო საქმეთა მინისტრს ურმას პაეტსა და პარლამენტის თავმჯდომარეს ეიკი ნესტორს შეხვდება.
ესტონეთის ხელისუფლების ლიდერებთან შეხვედრების პარალელურად გიორგი მარგველაშვილი, როგორც საპატიო სტუმარი, მონაწილეობას მიიღებს ტალინში მიმდინარე საერთაშორისო კონფერენციაში.
ამასთან, საქართველოს პრეზიდენტი ესტონეთის პრეზიდენტთან ერთად საერთაშორისო კონფერენციას “ხელმისაწვდომი და უსაფრთხო ინტერნეტი ყველასათვის” გახსნის და დელეგატებს სიტყვით მიმართავს.
დღის ბოლოს კი გიორგი მარგველაშვილი ესტონეთის რესპუბლიკის პრეზიდენტის ტომას ჰენდრიკ ილვესის მიერ გამართულ სადილს დაესწრება.
28.04.14
