ძებნაში მყოფი ერეკლე კოდუას ძმა ბიზნესმენი დავით კოდუა სასტიკად არის ნაცემი.როგორც შსს-ში news.ge-ს განუცხადეს, საგამოძიებო მოქმედებები აღნიშნულ ფაქტზე უკვე მიმდინარეობს.
კოდუას მდგომარეობის ამსახველ ფოტოებს ერეკლე კოდუას მეუღლე ნანუკა ჟორჟოლიანი სოციალურ ქსელში აქვეყნებს. მისივე განცხადებით თავდასხმა დაახლოებით დღის 15:00 საათზე ბარნოვის ქუჩაზე მოხდა. კოდუა უკვე რეანიმაციაშია მოთავსებული, ცემაზე პასუხისმგებლობას ჟორჟოლიანი შსს-ს აკისრებს:
“დღეს, დღის 15:00 საათისთვის, აბაშიძეზე, დათო კოდუამ ( ერეკლეს ძმამ) სალონში წაიყვანა 4 წლის ბავშვი თმების შესაჭრელად. მას ტელეფონზე დაურეკეს, გარეთ გავიდა და შუა ბარნოვზე თავს დაესხა 4 ნიღბიანი შეიარაღებული პირები.
გათიშეს ელექტროშოკებით და შემდეგ ცემეს! ჯანმრთელობის მდგომარეობა ძალიან მძიმეა. ის რეანიმაციულში გადაიყვანეს! ინფორმაციის მედიაში გავრცელება მალევე დაიწყო შსს-მ! ან უნდა დავიჯეროთ რომ დათო კოდუას საცემად ინაპლანეტელები ჩამოვიდნენ ან შსს-მ უნდა აღიაროს რომ შუა ქალაქში თავისუფლად გადაადგილდება შეიარაღებული ბანდ ფორმირება და ჭიკაიძე კრიმინალურ ვითარებას ვერ აკონტროლებს!!!! არის მესამე ვერსიაც…..!”-წერს ჟორჟოლიანი ფეისბუქის საკუთარ გვერდზე.
03.05.14
