“დავითიანნის” საინტერესო შეთავაზება წიგნისა და ფილმის მოყვარულებს

საპატრიარქოს ახალგაზრდული მოძრაობა „დავითიანნის“ ინტელექტუალური კლუბი ’’წიგნის მეგობრები’’ და კინოკლუბი ’’მზესუმზირა’’ გთავაზობთ ერთობლივ პროექტს–უკვდავი ნაწარმოებებისა და მათზე შექმნილი ფილმების შედარებითი ანალიზი.

პირველი ასეთი ღონისძიება ხუთშაბათს, 15 მაისს, 17:00 საათზე, საქართველოს პარლამენტის ეროვნული ბიბლიოთეკის კინოდარბაზში გაიმართება. მკითხველის სურვილის გათვალისწინებით პირველი შეხვედრისთვის შეირჩა ნოდარ დუმბაძის „კუკარაჩა“.

როგორც “თბილისი თაიმს” “დავითიანნიდან” აცნობეს, ღონისძიებაზე „კუკარაჩას“ შესახებ ისაუბრებენ მოწვეული სტუმრები: ფილმის რეჟისორი ქეთი დოლიძე, ნოდარ დუმბაძის შვილები: მანანა და ქეთევან დუმბაძეები, მსახიობები: ნინელი ჭანკვეტაძე, მარინა ჯანაშია და ზაზა კოლელიშვილი.

“მაყურებელს ასევე შესაძლებლობა ექნება მონაწილეობა მიიღოს კონკურსში, რომლის გამარჯვებულებსაც სამახსოვრო პრიზები გადაეცემათ „წიგნის მეგობრებისგან“, – აცხადებენ ორგანიზატორები.

14.05.14