სამღვდელოების წარმომადგენლებისა და მრევლის მსვლელობა, რომელიც ფილარმონიიდან 10.00 საათზე დაიწყო. სამების საკათედრო ტაძართან დასრულდა.
მსვლელობის მონაწილეები სამების ტაძარში შეკრებილ მრევლს შეუერთდნენ. სამებაში საქართველოს კათოლიკოს-პატრიარქი, უწმინდესი და უნეტარესი ილია მეორე პარაკლისს გადაიხდის.
როგორც ცნობილია, მსვლელობის მონაწილეები ილია მეორის მიერ რამდენიმე კვირის წინ დაწესებულ ოჯახის სიმტკიცის დღეს აღნიშნავენ. როგორც სასულიერო პირებმა ჟურნალისტებს განუცხადეს, სამების საკათედრო ტაძარში პარაკლისით ისინი დღევანდელი დღის აღნიშვნას დაასრულებენ.
სამღვდელოებას და მრევლს 17 მაისთან დაკავშირებით სხვა ღონისძიება დაგეგმილი არ აქვთ.
მსვლელობა მშვიდობიანი და ლოცვითი იყო, მსვლელობის განმავლობაში სასულიერო პირების მიერ არაერთი საგალობელი შესრულდა, ამასთან, დღეს იკურთხება ის ქუჩები, რომელიც მსვლელობის მონაწილეებმა გაიარეს.
17.05.14
