დიდი იმედი მქონდა გიორგი მარგველაშვილი ამ უმსგავსო კანონს ხელს არ მოაწერდა, – ამის შესახებ ბიზნესმენმა ლევან ვასაძემ “ტელეიმედის” გადაცემა “რეაქციაში” სტუმრობისას ანტიდისკრიმინაციულ კანონპროექტთან დაკავშირებით საუბრისას განაცხადა.
მისი თქმით, გიორგი მარგველაშვილი მისი უახლოესი და უსაყვარლესი მეგობარია.
“რომელ ჩვენთაგანს არ ჰყავს მეგობარი, რომელთანაც ცხარეზე ცხარე კამათი არ ჰქონია თუნდაც საკვანძო საკითხებზე და ვერ შეთანხმებულან, ერთმანეთზე გაბრაზებულან”, – განაცხადა ვასაძემ.
როგორც ბიზნესმენმა აღნიშნა, მას ძალიან დიდი იმედი ჰქონდა, რომ პრეზიდენტი ამ უმსგავსო კანონს ხელს არ მოაწერდა.
“რა თქმა უნდა, დაძლევდნენ მის ამ ვეტოს, თუმცა მისი მომავლისთვის ეს ძალიან კარგი იქნებოდა. მან მას ხელი მოაწერა, მაგრამ ეს არ ნიშნავს, რომ გიორგი ჩემთვის მეგობარი და უახლოესი ადამიანი არ არის”, – დასძინა მან.
31.05.14
