28 მაისიდან 10 ივნისის ჩათვლით საერთაშორისო ესთეტიკური მედიცინის ცენტრში La Belle Medical ქველმოქმედების კვირეული დაიწყო, რომელშიც შემოსული თანხა მთლიანად მოხმარდება სიღნაღის შეზღუდული შესაძლებლობების ბავშვთა დღის ცენტრს „ჯანმრთელი და უზრუნველი მომავლისაკენ“.
როგორც “თბილისი თაიმსს” ცენტრიდან აცნობეს, მომხმარებლები 3 ლარად მიიღებენ 50%-მდე ფასდაკლების კუპონს, კუპონში გადახდილი თანხა მთლიანად მოხმარდება შეზღუდული შესაძლებლობების მქონე ბავშვთა დღის ცენტრს, რომლისთვისაც ნებისიერი სახის მხარდაჭერა სასიცოცხლოდ მნიშვნელოვანია.
მათუვე ინფორმაციით, ცენტრს არ გააჩნია არსებობისათვის აუცილებელი პირობები, საყოფაცხოვრებო ტექნიკა და მოსაგვარებელი აქვს უამრავი პრობლემა. თანხის გაღების გარდა, მსურველებს შეუძლიათ ნებისმიერ ფილიალში მოიტანონ საჩუქრები, ტანსაცმელი, სათამაშოები, საკანცელარიო ნივთები, წიგნები, რაც ძალიან გაახარებთ დღის ცენტრის ბენეფიციარებს.
“La Belle Medical-ი ფილიალებში (ამ დროისათვის აქცია მიმდინარეობს 8 ფილიალში) შემოსული თანხით შეეცდება მოაგვაროს მათთვის ამჟამად არსებული ყველაზე მწვავე პრობლემა, რაც აფერხებს დღის ცენტრის მუშაობას და ნორმალურ ფუნქციონირებას. შემოსული თანხის როდენობიდან გამომდინარეკონკრეტულად განისაზღვრება, რის შეძენას შეძლებს კომპანია ცენტრის აღსაზრდელებისათვის.აქცია გრძელდება 10 ივნისამდე. აქციის დასრულებისთანავე ბავშვებს გადაეცემათ შემოწირული საჩუქრებს და La Belle Medical-ის მიერ შეძენილ ტექნიკა. საჩუქრების გადაცემასთან ერთად მათთვის გაიმართება ღონისძიება,” – აცხადებენ La Belle Medical-ში.
აღსანიშნავია, რომ La Belle Medical-ისგან ეს არ არის პირველი საქველმოქმედო აქცია. 8 მარტს კუს ტბაზე ჩატარდა საქველმოქმედო „მარათონი ქუსლებზე“, რომელზეც ასევე
გაიმართა ხელნაკეთი ნივთების გამოფენა-გაყიდვა. „მარათონი ქუსლებზე“, ეს უჩვეულო ღონისძიება საქართველოში პირველად La Belle Medical-ის ორგანიზებით გაიმართა,თუმცა არაერთხელ ჩატარებულა მსოფლიოს წამყვან ქალაქებში, როგორიცაა: სიდნეი, პარიზი, მოსკოვი, ამსტერდამი, მილანი.
02.06.14
Discussion about this post