ჩვენ გავაძლიერებთ ამერიკელი სამხედროებისა და სამხედრო-საჰაერო ძალების რაოდენობას ევროპის ქვეყნებში, რათა ამით დახმარება გავუწიოთ ჩვენი მეგობრების – უკრაინის , მოლდოვასა და საქართველოს თავდაცვისუნარიანობას. ამის შესახებ აშშ-ის პრეზიდენტმა ბარაქ ობამამ ვარშავაში, პოლონეთის დემოკრატიის 25 წლისადმი მიძღვნილ ღონისძიებაზე სიტყვით გამოსვლისას განაცხადა.
მისივე თქმით, ევროპის გაერთიანებისთვის დაღვრილი უამრავი სისხლის შემდეგ, დემოკრატიული ქვეყნები უარს ამბობენ დაუშვან 21-ე საუკუნეში მე-20 საუკუნის ბნელი ტაქტიკა.
“იქნება ეს მინსკში, კარაკასში, დამასკოში ყველაგან, სადაც ადამიანებს აქვთ სურვილი გაწიონ რთული სამუშაო დემოკრატიის შენებისთვის – თბილისიდან ტუნისამდე, მათ ეყოლებათ პარტნიორი ჩვენი სახით”, – აღნიშნა ბარაკ ობამამ.
ამასთან, როგორც აშშ-ის პრეზიდენტმა ვარშავაში სიტყვით გამოსვლისას განაცხადა, დიდ სახელმწიფოებს არ უნდა მიეცეთ პატარა სახელმწიფოების დაშინების ან საკუთარი ნების იარაღის მიბჯენით მოხვევის საშუალება.
“თავისუფალი ერები ვიქნებით ერთიანი, რათა რუსეთის მომავალი პროვოკაციები რუსეთის მეტ იზოლაციას და მისთვის მეტ ფასს ნიშნავდეს”, – განაცხადა ბარაქ ობამამ და დასძინა, რომ იმპერიებისა და გავლენის სფეროების დრო წარსულში დარჩა.
04.06.14
