აღუდგება თუ არა გიგი უგულავას მერის უფლებამოსილება, სავარაუდოდ დღეს გახდება ცნობილი. “თბილისის განვითარების ფონდთან” დაკავშირებული საქმის განხილვა თბილისის საქალაქო სასამართლოში დღეს, 12:00 საათზე განახლდება. უგულავას ადვოკატებმა წინა პროცესზე დააყენეს შუამდგომლობა, რომლის მიხედვითაც საკონსტიტუციო სასამართლოს გადაწყვეტილების საფუძველზე, გიგი უგულავას უფლებამოსილება უნდა აღუდგეს.
აღნიშნული შუამდგომლობის დაყენების შემდეგ პროკურორებმა შუამდგომლობის გაცნობის მიზნით დრო ითხოვეს, რის საფუძველზეც სასამართლო პროცესი 5 ივნისისთვის გადაიდო.
სისხლის სამართლის კოდექსის ის მუხლი, რომლის საფუძველზეც გიგი უგულავას მერის უფლებამოსილება შუჩერდა, საკონსტიტუციო სასამართლომ არაკონსტიტუციურად სცნო.
05.06.14
