გიგი უგულავას პროცესზე პროკურორების გამოუცხადებლობის მიზეზად მათი მივლინებაში, კერძოდ სემინარზე წასვლა დასახელდა. აღნიშნულთან დაკავშირებით საქმის პროკურორთა განცხადება სხდომაზე ცოტა ხნის წინ მოსამართლე მაია შოშიაშვილმა წაიკითხა.
მისივე განმარტებით, პროკურორებმა სასამართლოს გუშინ, სამუშაო დღის დამთავრებამდე 8 წუთით ადრე მიმართეს განცხადებით, სადაც აღნიშნავენ, რომ ბათუმში 10- დღიანი მივლინების გამო, პროცესზე დასწრებას ვერ შეძლებნენ.
პროკურორები განცხადებაში მოსამართლეს პროცესის 10 დღით გადადებასაც სთხოვენ.
რაც შეეხება მივლინების მიზეზს, პროკურორების განცხადებით, მათ ზედამხვედველობა უნდა განახორციელონ ერთ-ერთი სისხლის სამარლის საქმეზე, ასევე დაესწრონ კიბერდანაშაულთან დაკავშირებულ სემინარს.
აღსანიშნავია, რომ მოსამართლის მიერ წაკითხულ პროკურორთა განცხადებას თავად გიგი უგულავამ შემდეგი რეპლიკით უპასუხა: “გასაგებია, რატომ ხდება ეს”.
პროკურორთა განცხადების საფუძველზე მოსამართლემ გიგი უგულავას საქმესთან დაკავშირებული სხდომა, რომელზეც მისთვის მერის უფლებამოსილების აღდგენის საკითხთან დაკავშირებით გადაწყვეტილება უნდა გამოცხადებულიყო, გადადო. პროცესის გამართვის თარიღი ჯერ დაზუსტებული არ არის.
05.06.14