“აწარმოე საქართველოში” და “სოფლის მეურნეობის პროდუქტების გადამამუშავებელი საწარმოების თანდაფინანსების” პროექტებს დღეს მეწარმეებს წარუდგენენ.
როგორც “თბილისი თაიმსს” “თიბისი ბანკიდან” აცნობეს, “თიბისი ბანკი” და სოფლის მეურნეობის პროექტების მართვის სააგენტო დღეს, 18:00 საათზე, მეწარმეებისათვის “გადამამუშავებელი საწარმოების თანადაფინანსების პროექტის” პრეზენტაციას გამართავენ.
მათივე ინფორმაციით, პროექტი ინიცირებულია სოფლის მეურნეობის სამინისტროს მიერ და მას სოფლის მეურნეობის პროექტების მართვის სააგენტო ახორციელებს. პროექტი თავისი პირობებით, მიზნად ისახავს რეგიონულად დივერსიფიცირებული, ახალი გადამამუშავებელი საწარმოების შექმნას. პროექტის პრეზენტაციას მისი ხელმძღვანელი, რევაზ ასათიანი გამართავს.
ამასთან, “თიბისი ბანკში” მიწვეულ მეწარმეებს ასევე წარუდგენენ პროექტს “აწარმოე საქართველოში”, რომლის პრეზენტაციასაც ეკონომიკისა და მდგრადი განვითარების მინისტრის მოადგილე, ქეთი ბოჭორიშვილი გამართავს.
პრეზენტაცია “თიბისი ბანკში”, მარჯანიშვილის ქ. 7-ში გაიმართება.
09.06.14
