დღეს დილის 5 საათზე განმეორებით ჩამოწოლილმა დიდი მოცულობის მიწამ და კლდის ნაშალმა თბილისი–სენაკი–ლესელიძისსაავტომობილო გზის 146-ე კმ-ზე, რიკოთის გვირაბის დასავლეთით მთლიანად ჩაიკეტა გზის სავალი ნაწილი.
მომხდარის გამო, საავტომობილო გზის კმ136–კმ152 მონაკვეთზე ყველა სახის ავტოტრანსპორტის მოძრაობა იკრძალება.ავტოტრანსპორტის მოძრაობა გადაერთვება გომი-საჩხერე-ჭიათურა-ზესტაფონი
მეწყერის ადგილზე იმყოფება საქართველოს საავტომობილო გზების დეპარტამენტის უფროსის პირველი მოადგილე, ნუგზარ გასვიანი. ამ წუთისთვის რიკოთის უღელტეხილის 146-ე კილომეტრზე მობილიზებულია შესაბამისი ტექნიკა და მიმდინარეობს გაწმენდითი სამუშაოები.
ადგილზე ელოდებიან საქართველოს გარემოსა და ბუნებრივი რესურსების დაცვის სამინისტროს, გეოლოგიური სამსახურის წარმომადგენლებს, რომლებმაც ახლადშექმნილი ვითარება უნდა შეისწავლონ. გადაწყვეტილება, საავტომობილო მოძრაობის განახლების შესახებ, მათი დასკვნებისა და რეკომენდაციების შედეგად მიიღება.
17.06.14
