თბილისის ყოფილი მერის, გიგი უგულავას დაკავებასთან დაკავშირებით პირველი კომენტარები მინისტრებმა მთავრობის სხდომის დაწყების წინ გააკეთეს.
ლტოლვილთა და განსახლების მინისტრიეს, დავით დარახველიძის აზრით, საგამოძიებო ორგანოებს უგულავას დაკავების საფუძველი ჰქონდათ. როგორც დარახველიძემ ჟურნალისტებს განუცხადა, ნებისმიერი თანამდებობის პირი კანონის წინაშე თანასწორია.
კითხვაზე, უგულავას დაკავებით დაირღვა თუ არა წინასაარჩევნოდ გამოცხადებული მორატორიუმი, მინისტრმა განაცხადა, რომ მორატორიუმი საკანონმდებლო ნორმა არ არის.
მომხდარს გამოეხმაურა საგარეო საქმეთა მინისტრი მაია ფანჯიკიძე, რომლის თქმითაც, უგულავას დაკავება არის სამართლადამცავი ორგანოების საქმე და ისინი მოქმედებენ ისე, როგორც საჭიროა.
ფინანსთა მინისტრმა ნოდარ ხადურმა ჟურნალისტებს აცნობა, რომ ამ თემაზე დღეს ფინანსთა სამინისტროს საგამოძოებო სამსახური განცახდებას გააკეთებს.
03.07.14
