რუსეთის პრეზიდენტმა ამერიკელ კოლეგას დეპეშა გაუგზავნა, რომელშიც რუსეთ-ამერიკას შორის ურთიერთობის გაუმჯობესების იმედია გამოთქმული. “როიტერის” ინფორმაციით, ვლადიმერ პუტინი აღნიშნული დეპეშით ბარაქ ობამას ამერიკის დამოუკიდებლობის დღეს ულოცავს.
დეპეშაში პუტინმა იმედი გამოთქვა, რომ ორ ქვეყანას შორის ურთიერთობის მდიდარი ისტორია, მიუხედავად არსებული სიძნელეებისა და უთანხმოებისა, პრაგმატულ და თანასწორობის საფუძველზე წარმატებით განვითარედება.
რუსეთის პირველი პირი ხაზგასმით აცხადებს, რომ რუსეთმა და აშშ-მა არა მხოლოდ საკუთარი ხალხის, არამედ მთელი მსოფლიოს ინტერესებიდან გამომდინარე უნდა ითანამშრომლონ.
პუტინმა ასევე აღნიშნა ორმხრივი ურთიერთობის ურთიერთპატივისცემისა და ერთმანეთის ინტერესების რეალურად გათვალისწინების აუცილებლობა.
05.07.14
