11 ივლისს, საქართველოს ეროვნულ ბიბლიოთეკაში არასამთავრობო ორგანიზაცია “განსხვავებული უნარების მქონე პირთა გაერთიანების” ინიციატივით და ეკონომიკური კვლევების და კონსულტაციების ცენტრის „დოქტრინა ბიზნეს რევიუ“ მხარდაჭერით გაიმართება ფორუმი „შშმ პირთა ადვოკატირება ბიზნეს სექტორში მათი დასაქმების მიზნით“.
ორგანიზატორების ინფორმაციით, ღონისძიების ფარგლები მოხდება სპეციალური კვლევის პირველადი შედეგების პრეზენტირება, რომელიც შშმ პირებისათვის ბიზნეს სექტორში დასაქმებისათვის ადაპტირებული გარემოს და ინფრასტრუქტურის შექმნის პრობლემებს წარმოაჩენს.
მათიცე ვნობით, ფორუმზე განიხილება წინადადებები და რეკომენდაციები, რომელიც შშმ პირების დასაქმების ხელშეწყობისათვის სათანადო საკანონმებლო ცვლილებების განხორცილებას მოიაზრებს და ეფუძნება ევროპის გამოცდილებას და ევროკავშირის სტანდარტებს.
შეხვედრას დაესწრებიან არასამთავრობო ორგანიზაციების, ბიზნეს სექტორის, აკადემიური ისტებლიშმენტის და მას-მედიის წარმომადგენლები.
ინფორმაციისთვის, არასამთავრობო ორგანიზაცია “განსხვავებული უნარების მქონე პირთა გაერთიანება” 2011 წლიდან შშმ პირებისათვის, სხვადასხვა სასიკეთო ღონისძიებების გატარებას აქტიურად ცდილობს. დღეისათვის მის უმთავრეს ამოცანას წარმოადგენს, შრომის კოდექსში სათანადო ცვლილების ლობირება, რათა ბიზნეს სექტორის მიერ, შრომისუნარიანი შშმ პირების დასაქმების შემთხვევაში, სახელმწიფოს მხრიდან განხორციელდეს გარკვეული სახის შეღავათები.
10.07.14