საარჩევნო უბანში მისვლით ვემსახურებით არა პოლიტიკოსებს, არამედ სამშობლოს, – ამის შესახებ საქართველოს პრეზიდენტმა გიორგი მარგველაშვილმა ხმის მიცემის შემდეგ განაცხადა.
როგორც პრეზიდენტმა აღნიშნა, თვითმმართველობა უმნიშვნელოვანესი ფორმაა დემოკრატიის, როდესაც ხალხი რეალურად მართავს თავის ცხოვრებას, ქალაქის, სოფლის, დაბის დონეზე.
“ჩვენ დღეს მივეცით ხმა ახალი თვიმმართველობის ჩამოყალიბებას საქართველოში”, – განაცხადა მარგველაშვილმა.
ამასთან, პრეზიდენტმა ამომრჩევლებს აქატიურობისკენ მოუწოდა.
“დღეს საარჩევნო უბანში მისვლით ჩვენ ვემსახურებით არა პოლიტიკოსებს, არამედ ვემსახურებით ჩვენს სამშობლოს და ჩვენს ქვეყანას. ჩვენ არა პოლიტიკოსებისთვის ვაკეთებთ არჩევანს, არამედ ვქირაობთ პოლიტიკოსებს იმისთვის, რომ ჩვენ გვემსახურონ. შესაბამისად, მოგიწოდებთ ყველას აქტიურობისკენ”, – დასძინა გიორგი მარგველაშვილმა.
პრეზიდენტმა მთაწმინდის საარჩევნო ოლქის N6 საარჩევნო უბანზე მისცა ხმა.
12.07.14
