მესტიის მიმართულებით 18 ივლისიდან რეგულარული ფრენები შესრულდება. ფრენებს „სერვის ეარი“ განახორციელებს, რომელიც ტენდერში გამარჯვებული კომპანიაა.
ფრენები ნატახტარის აეროდრომიდან შერულდება. მესტიის მიმართულებით ფრენების დაწყების შესახებ განცხადება ეკონომიკის მინისტრმა გააკეთა, რომელიც მთავრობის სხდომიდან მესტიისკენ გაემგზავრა.
“რეგულარული ავიარეისები მესტიის მიმართულებით რეგიონის ტურისტული პოტენციალის უკეთ წარმოჩნეას შეუწყობს ხელს. ფრენების განახლება საშუალებას მისცემს მგზავრებს, სულ რაღაც 45 წუთში მოხვდნენ თბილისში. ავიარეისების აღდგენის საკითხზე მუშაობისას ჩვენ განვიხილეთ სხვადასხვა ალტერნატივა. ჩავატარეთ კონსულტაციები და შედეგად გამოცხადდა საჯარო ტენდერი. მოხარულები ვართ, რომ ღია და გამჭვირვალე სატენდერო პროცესში გაიმარჯვა სწორედ ქართულმა ავიაკომპანიამ, „სერვის ეარმა“, რაც ქართული ავიაციის განვითარების გზაზე კიდევ ერთი წინგადადგმული ნაბიჯია”,-განაცხადა კვირიკაშვილმა.
14.07.14
