მთავრობის დღევანდელ სხდომაზე მინისტრთა კაბინეტის წევრებმა საერთო სასამართლოების შესახებ კანონში შესატანი ცვლილება დაამტკიცეს.
აღნიშნული ცვლილება მოსამართლეების დანიშვნის წესს გულიხმობს. როგორც იუსტიციის მინისტრმა თეა წულუკიანმა განმარტა, ცვლილების მიხედვით მოსამართლეების დანიშვნა 3 წლიანი წინასწარი გამოსაცდელი ვადით მოხდება.
“3 წლიანი გამოსაცდელი ვადა იქნება ყველა ახლადდანიშნული მოსამართლისთვის და ასეთი ჩვენ გვყავს დღეს 12. ძალიან მკაცრი ფილტრი იმისთვის, რომ არცერთი ახლადდანიშნული მოსამართლე არ გახდეს მუდმივად დანიშნული ისე, რომ არ იცოდეს საქმის კეთება, არ იყოს დამოუკიდებელი და არ იმსახურებდეს მოსამართლის მანტიას”,- განაცხადა წულუკიანმა.
აღნიშნული ინიციატივა უახლოეს პერიოდში პარლამენტს გადაეგზავნება. კანონპროექტის დამტკიცება საკანონმდებლო ორგანოს პრეროგატივაა.
14.07.14
