ჩვენ ომს მოვიგებთ ბრძოლის გარეშე, – ასე მიმართა საქართველოს პრეზიდენტმა, გიორგი მარგველაშვილმა ვაზიანის სამხედრო ბაზაზე ქართველ ჯარისკაცებს, სადაც სამხედროებს ტანკისტის დღე მიულოცა.
როგორც პრეზიდენტმა აღნიშნა, მისთვის როგორც საქართველოს მოქალაქისთვის ქართველი ჯარისკაცები სათაყვანებელი ადამიანები არიან, ხოლო როგორც საქართველოს უმაღლესი მთავარსარდლისთვის – ერთგული თანამებრძოლები.
“ჩვენი უაღრესად წარმატებული მისიები როგორც ავღანეთში, ისე აფრიკაში, არის წინაპირობა, რომ ჩვენ ომს მოვიგებთ ბრძოლის გარეშე”, – მიმართა პრეზიდენტმა ქართველ სამხედროებს.
მისივე შეფასებით, უმნიშვნელოვანესია, რომ სამხედრო ძალების მოწოდება არის ძალიან მაღალი.
“თქვენი თავდადება, რომელიც ჩანს თქვენს სახეებზე, ყოველთვის შეაშინებს ნებისმიერი ქვეყნის მტერს”, – აღნიშნა გიორგი მარგველაშვილმა.
10.07.14
