საქართველოს პრემიერ-მინისტრ ირაკლი ღარიბაშვილის განცხადებით, “თავდაცვის შესახებ” კანონში შესატანი ცვლილებებით “ერთის უფლებების შეზღუდვა და მეორის გაძლიერება არ ხდება”.
“ეს არის სპეკულაცია”, – ასე გამოეხმაურა პრემიერი ჟურნალისტებთან საუბარში გავრცელებულ ინფორმაციას, რომ თავდაცვის სამინისტროს ავტორობით მომზადებული კანონპროექტით პრეზიდენტს, როგორც უმაღლეს მთავარსარდალს უფლებები ეზღუდება.
ირაკლი ღარიბაშვილმა მედიას მოუწოდა, ამ საკითხზე საზოგადოებას სწორი ინფორმაცია მიაწოდოს.
“ეს არის არასწორი ინტერპრეტაცია. არაფერი განსაკუთრებული არ ხდება. ჩვენ უბრალოდ მთელ რიგ კანონში შევიტანეთ ცვლილებები და ეს არის ჩვეულებრივი, მუშა პროცესი, რათა ყველა კანონი მოვიყვანოთ შესაბამისობაში კონსტიტუციასთან, ამაში რას ხედავთ უჩვეულოს, არ მესმის? ეს არის ნორმალური, ჩვეულებრივი, მუშა პროცესი. ძალიან გთხოვთ, აუხსენით მოსახლეობას, რომ აქ არ ხდება ერის უფლებების შეზღუდვა და მეორის გაძლიერება, ეს არის სპეკულაცია. მინდა მოგიწოდოთ მედიასაშუალებებს, რომ მოსახლეობას სწორი ინფორმაცია მიაწოდოთ, ესაა თქვენი პასუხისმგებლობა”, – განაცხადა პრემიერ-მინისტრმა.
გუშინ ცნობილი გახდა, რომ თავდაცვის სამინისტროს ინიციატივით მომზადებულ კანონპროექტზე მუშაობა შეჩერებულია.
19.08.14
