გიორგი მარგველაშვილმა შვედეთის ელჩი მიიღო

საქართველოს პრეზიდენტმა გიორგი მარგველაშვილმა დღეს შვედეთის სამეფოს საგანგებო და სრულუფლებიანი ელჩი საქართველოში დიანა იანსე მიიღო და მასთან გამოსამშვიდობებელი შეხვედრა გამართა. პრეზიდენტის ადმინისტრაციის ინფორმაციით, მხარეებმა ორი ქვეყნის ურთიერთობაზე ისაუბრეს და იმედი გამოთქვეს, რომ საქართველოსა და შვედეთის სამეფოს თანამშრომლობა მომავალში კიდევ უფრო გაღრმავდება. გიორგი მარგველაშვილმა დიანა იანსეს გაწეული მუშაობისთვის მადლობა გადაუხადა და მომავალ საქმიანობაში წარმატებები უსურვა. 20.08.14