ბანკი „რესპუბლიკა“ საქველმოქმედო ფონდ „ცისკართან“ და ორგანიზაციასთან „პარტნიორობა ბავშვებისათვის“ ერთად განაგრძობს გრძელვადიან თანამშრომლობას რუსთავის მცირე საოჯახო ტიპის სახლთან.
ბანკის სათავო ოფისში ხელი მოეწერა მემორანდუმს ფონდ „ცისკარსა“ და ორგანიზაციას „პარტნიორობა ბავშვებისათვის“ შორის, რომელიც ითვალისწინებს მზრუნველობამოკლებული ბავშვების საზოგადოებასთან ინტეგრაციის ხელშეწყობას და განვითარებისთვის ხელსაყრელი გარემოს შექმნას.
ბანკი „რესპუბლიკა“ და ფონდი „ცისკარი“ უკვე მეორე წელია მეგობრობენ რუსთავის მცირე საოჯახო ტიპის სახლთან. გასულ წელს, ფინანსურ მხარდაჭერასთან ერთად, რუსთავის მცირე საოჯახო ტიპის სახლის აღსაზრდელებმა საგანმანათლებლო და კულტურულ ღონისძიებებში მიიღეს მონაწილეობა, აცხადებენ ბანკში.
01.05.13
