საგარეო საქმეთა მინისტრი მაია ფანჯიკიძე ამერიკის ებრაული საზოგადოების წარმომადგენლებს შეხვდა. როგორც “თბილისი თაიმსს” საგარეო საქმეთა სამინისტროდან აცნობეს , შეხვედრა გაერო-ში საქართველოს მისიაში გაიმართა.
მათივე ინფორმაციით, შეხვედრაზე მინისტრმა საზოგადოების წევრებს ინფორმაცია მიაწოდა საქართველოს საგარეო პოლიტიკის მიმართულებებზე, სხვადასხვა სფეროში ხელისუფლების მიერ გატარებულ რეფორმებზე.
საზოგადოების წევრებთან შეხვედრაზე საუბარი შეეხო საქართველო-ამერიკის, საქართველო-ისრაელის ურთიერთობას. ასევე, ამერიკის ებრაულ საზოგადოებასთან შემდგომი თანამშრომლობის საკითხებს.
“ეს ჩვენი რიგით მეორე შეხვედრაა მინისტრთან. იგი ყოველთვის ღიად და დაწვრილებით გვაწვდის ინფორმაციას და პასუხობს ჩვენს შეკითხვებს. ქალბატონი მაია უმაღლეს დონეზე წარმოადგენს საქართველოს. ურთიერთობა საქართველოს, ამერიკასა და ისრაელს შორის ძლიერი და წარმატებულია. ებრაელები საქართველოში საუკუნეებია ცხოვრობენ და ჩვენი ურთიერთობა წარმატებულია”, – განაცხადა ამერიკის ებრაული საზოგადოების თავჯდომარემ.
23.09.14