საქართველოს პრემიერმინისტრი ირაკლი ღარიბაშვილი ამერიკის შეერთებული შტატების პრეზიდენტს ბარაკ ობამას გაესაუბრა. ამის შესახებ საქართველოს საგარეო საქმეთა მინისტრმა მაია ფანჯიკიძემ ჟურნალისტებს ნიუ იორკში განუცხადა.
„ამერიკის შეერთებული შტატების პრეზიდენტისა და მისი მეუღლის მიწვევით იმყოფებოდა პრემიერმინისტრი მეუღლესთან ერთად მიღებაზე. სადაც მას, რა თქმა უნდა, ჰქონდა შესაძლებლობა, რომ მცირე ხნით გასაუბრებოდა ამერიკის შეერთებული შტატების პრეზიდენტს.
ეს არ იყო ჩვეულებრივი შეხვედრა, რადგანაც მასზე მიწვეული იყო 200-მდე ქვეყნის დელეგაციის ხელმძღვანელი მეუღლით და გარდა ამისა, მრავალი საერთაშორისო ორგანიზაციის წარმომადგენელი. ანუ ეს არ იყო ორმხრივი შეხვედრა. მაგრამ მიუხედავად, ამისა პრემიერს ჰქონდა საშუალება აშშ-ს პრეზიდენტთან მცირე ხნით გასაუბრებისა“,-განაცხადა ფანჯიკიძემ.
25.09.14
