„თბილისი თაიმსი“ დაინტერესედა თუ რა სადაზღვეო პროდუქტებია საქართველოში ყველაზე მოთხოვნადი, რა განაპირობებს ამა თუ იმ პაკეტის გაყიდვადობას და რამდენად მოთხოვნადია და განვითარებული საზოგადოებაში სადაზღვევო კულტურა. ჩვენი მორიგი ბლიც გამოკითვა სწორედ ამ საკითხებს ეხება. გამოიკითხა ბაზარხზე არსებული 5 კომპანია: „ჯი პი აი ჰოლდინგი“; „ალდაგი“; „ირაო“; „პე-ეს-პე“; „უნისონი“.
გამოკითხვის შედეგები კი ასე გამოიყირება:
ალდაგი: “ყველაზე მოთხოვნადო ჩვენს კომპანიაში ავტოდაზღვევაა, რადგანაც მომხმარებელი კარგად აცნობიერებს ავტომობილის მართვისას არსებული რისკების დაზღვევის საჭიროებას. ავტოდაზღვევის მიმართულებით სადაძღვევო კომპანია ალდაგი საერთო ბაზრის წილის 41%-ს ფლობს, ბოლო 6 თვის მონაცემებით,“ალდაგს“ 4 მილიონ 346 ათასი ლარის ზარალი აქვს ანაზღაურებული, ხოლო ამავე პერიოდში გამომუშავებული პრემიის რაოდენობა 8 მილიონ 629 ათას ლარს შეადგენს. მომხმარებლისთვის მთვარი ამოსავალი წერტილი არის კომპანიის სტაბილურობა. ჩვენ ავტოდაზღვევის მფლობელებს, ექსკლუზიურ ბენეფიტს ვთავაზობთ ავტოდაზღვევის სრული პაკეტის შეძენის შემთხვევაში, მთელი სადაზღვევო პერიოდის განმავლობაში ვისოლის ქსელში ყოველ ლიტრ საწვავზე 7 თეთრიან ფასდაკლებას. ავტოდაზღვევის მფლობელები ასევე სარგებლკობენ სხვა ბენეფიტებით, როგორიცაა საჭიროების შემთხვევაში სხვა ავტომობილით უფასო სარგებლობის საშუალება და სადაზღვევო შემთხვევის დადგომისას სხვა ავტომობილით ჩანაცვლების სერვისი.“ რაც შეეხება დაზღვევის კულტურას, ვთვლით, რომ სერიოზული ნაბიჯები ამ კუთხით ჯერ კიდევ გადასადგმელია , თუმცა დროთა განმავლობაში მოსახლეობა ხვდება ნებისმიერი მოულოდნელი რისკისგან დაზღვევის აუცილებლობას.
ჯი პი აი ჰოლდინგი: „ჩვენს კომპანიაში ყველაზე მოთხოვნადია ჯანმრთელობის დაზღვევა, ასევე ავტომობილისა და ქონების დაზღვევა, შედარებით ნაკლებად პოპულარულია მოგზაურობის დაზღვევა. ამა თუ იმ დაზღვევის გაყიდვადობა დამოკიდებულია რისკის სიხშირესა და აღქმაზე. ჯანმრთელობის დაზღვევის შემთხვევაში, ეს ყველასათვის აქტუალურია, რადგანაც ექიმთან ხშირად დავდივართ და ამიტომაც არის ყველაზე მოთოვნადი, ასევეა ავტოდაზღვევაც, რადგანაც ხშირია ავტოსაგზაო შემთხვევები. ქონების დაზღვევის ნაკლებპოპულარობას განაპირობებს ის, რომ ერთის მხრივ რისკი შედარებით ნაკლებია, მაგრამ ფინანსური ზარალის კუთხით შესაძლებელია ნებისმიერ სხვა შემთხვევას გადააჭარბოს. რაც უფრო ხშირად დგება რისკი, მით უფრო მაღალია ადამიანებში ამა თუ, იმ რისკის აღქმა და ესა თუ ,ის დაზღვევის პაკეტიც უფრო პოპულარული ხდება. დაზღვევის კულტურა საქართველოში არის საკმაოდ დაბალი, მაგრამ ნელ-ნელა ვითარდებ. ჩვენი სადაზღვევო კულტურა, ახლოსაც ვერ მივა დასავლეთ ევროპისა და აშშ-ს სადაზღვევო კულტურასთან, ამ ქვეყნებში დაზღვევის მოხმარება არის გაცილებით მაღალი ვიდრე საქართველოში.“
ირაო: „ზოგადად საქართველოში და არამარტო ჩვენს კომპანიაში პირველ ადგილზე არის ჯანმრთელობის დაზღვევა, ავტოდაზღვევა, ყველაზე ნაკლებადმოთხოვნადი კი სამოგზაურო დაზღვევა. ამა თუ იმ პაკეტის გაყიდვადობა პირდაპირ კავშირშია მსოახლეობის უსაფრთხოებისა და ფინანსური რისკების დაცვასთან. ზოგადად, სადაზღვევო კომპანია უზრუნდველყოფს მომხმარებლის ფინანსურ უზრუნველყოფას საჭიროების შემთხვევაში, სწორედ ფინანსური მენეჯმენტი განაპირობებს ამა თუ, იმ სადაზღვევო პაკეტის გაყიდვადობას. რა თქმა უნდა, საქართველოში დაზღვევის ისეთი კულტურა არ არსებობს, როგორიცაა სხვა განვითარებულ თუ განვითარებად ქვეყნებში. მაგალითად – საქართველოში სულ რეგისტრირებულია 900 ათასამდე ავტომობილი, საიდანაც მხოლოდ 80 ათასამდე ავტომობილია დაზღვეული ანუ დაახლოებით 10%-ი, რაც ძალიან ცოტაა. ზოგადად საქართველოში სადაზღვევო ინდუსტრიას დიდი ცნობადობა არ აქვს.
„თბილისი თაიმსი“ დაუკავშირდა სადაზღვევო კომპანიებს – „პე-ეს-პე“ და „უნისონს, კომპანიების წარმომადგენლებმა შეკითხვებზე პასუხის გაცემისგან თავი შეიკავეს.
26.09.14
ნინა პირტახია
