გუშინ დაახლოებით, 20:00 საათზე, „ასავალ-დასავალის“ ჟურნალისტი ზაზა დავითაია სცემეს. როგორც თვითმხილველებმა საინფორმაციო სააგენტო „რეპორტიორს” განუცხადეს, დავითაიას „თავისუფალი ზონის“ ათზე მეტი წევრი იოსებიძის ქუჩაზე დაესხა თავს და ფიზიკურად გაუსწორდა. „ასავალ-დასავალის“ ჟურნალისტი ჯაბა ხუბუა აცხადებს, რომ ერთი თვის წინ, დავითაიამ მუქარის შემცველი და უწმაწური მესიჯები მიიღო, რომლითაც მოუწოდებდნენ, რომ თავი დენებებინა ბაჩო ახალაიასთვის. „ჩვენ ვამხელთ „ნაციონალური მოძრაობის” რეჟიმის დანაშაულებებს, ზაზა დავითაიას ცემაც ამას უკავშირდება. მან ერთი თვის წინ მიიღო მოკლე ტექსტური შეტყობინება „ხელები შორს ბაჩო ახალაიასგან”. სამართალდამცველები კი ამ ტექსტების მომწერის გაფრთხილებით შემოიფარგლნენ,”- განაცხადა ხუბუამ. შემთხვევის შემდეგ გადაღებულ ფოტოებს „რეპორტიორი“ ავრცელებს. 01.10.14
