“საქართველოში იოგის შესასწავლად თავიდაპირველად მოდის გულისისთვის მოდიან” – ზაზა ბარკალაია

ცხოვრებაში, ყველა ადამიანს ძალიან ბევრი საზრუნავი აქვს. ჩვენს ირგვლივ, არსებული რეალობა, ყოველდღიური ცხოვრება, ერთფეროვნება, სამსახურეობრივი და ცხოვრებისეული მოვალეობალნი ბევრ ადამიანში სტრესსა, დეპრესიას და დაღლილობას იწვევს. მეორეს მხრივ გარეგნობაზე ფიქრი, მუდამ ფორმაში ყოფნის სურვილი დამეთანხმებით ეს ყველაფერი ერთად არც ისე მარტივია, ამიტომ ხშირად ადამიანები ეძებენ გზებს, რომ ეს პრობლემები ერთად გადაჭრან. ამისათვის კი ერთ-ერთი ყველა კარგი გზა იოგით დაკავებაა. ყველაფერი რაც ზემოთ აღვწერე არის ზედაპირული შეხედულება იოგაზე, რომელიც ჩემნაირ გამოუცდელ ადამიანებს გააჩნიათ. სინამდვილეში იოგა ეს არის გზა, მეთოდი მედიტაციისა და ჭეშმარიტების შეცნობისა. იოგა იმდენად ღრმა და ინტიმურია შეუძლებელია სიტყვებით გადმოსცე, ეს თითოეულმა ადამიანმა უნდა შეიგრძნოს. შეიძლება იოგა იმდენაერად გავიგოთ, რამდენი ადამიანიცაა. იოგა სწორედ იმას აძლევს ადამიანს რაც  მას ჭირება. მე ბევრს აღარ ვისაუბრებ, რადგან იოგაში სიტყვები კი არა მოქმედებაა მთავარი. „თბილისი-თაიმსი“ დაინტერესდა იოგის ხელოვნებით, რაში ეხმარება იოგა ადამიანებს?  რამდენად ფეხმოკიდებულია იოგა დღეს ჩვენს ქვეყანაში? აღნიშნულ საკითხებზე  იოგას ცენტრ – „ანანდას“, იოგას სპეციალისტ – ზაზა ბარკალაიას ვესაუბრე.

 რა არის იოგა და რაში ეხმარება ის ადამიანებს?

რა არის იოგა ამას ასე უბრალოდ სიტყვებით ვერ აღწერ, ეს უნდა შეიგრძნო. რაც შეეხება იმას თუ რაში ეხმარება იოგა ადამიანებს, ის ადამიანებს ეხმარება ფიზიკურ გამოჯანმრთელებაში, დეპრესიის, ნევროზის მოხსნაში და სხვა მრავალი დაავადებისაგან განკურნებაში.

თქვენ რამდენი ხანია დაკავებულ- ხართ იოგოთ და სად შეისწავლეთ ეს ხელოვნება?

მე 10-11 წელია დაკავებული ვარ იოგით. ადრე ინდოეთში ვცხოვრობდი და სწორედ იქ შევისწავლე იოგის ხელოვნება. იქ შევისწავლე ეს გზა, იოგა არის გზა სიმართლისაკენ.

დღეს საქართველოში იოგა – არის მოდა თუ ჯანმრთელობა?

საქართველოში თავიდაპირველად იოგის შესასწავლად მოდიან მოდის გულისისთვის და ამავდროულად სურთ, რომ ფორმაში ჩადგნენ. თუმცა გინდა არ გინდა, როდესაც იოგას სწავლობ მხოლოდ შემდეგ გრძნობ და ხვდები სინამდვილეში რა არის ეს.

რამდენად ფეხმოკიდებულია დღეს იოგა ჩვენს ქვეყანაში?

ჩვენს ქვეყანაში იოგა ახლა იკიდებს ფეხს. დღითიდღე იმატებს, როგორც მასწავლებლების ასევე მოსწავლეების რაოდენობა.

რამდენად კვალიფიციურნი და პროფესიონალები არიან დღეს ჩვენს ქვეყანაში იოგას ტრენერები?

იოგაში არსებობს ძალიან ბევრი დონე. კარგია თუნდაც არაკვალიფიციური სპეციალისი, რომელმაც იცის იოგას რამდენიმე საფეხური და სხვას  ასწავლის.  ჩემთან ბევრი ადამიანი მოსულა, რომელიც  დადაიოდა ისეთ მასწავლებელთან ვინც ცუდად იცოდა იოგა, მაგრამ რადგან მათთან რამდენიმე საფეხური შესწავლილი ქონდა, შეძლო  იოგას  გაგრძელება, რადგან  ჩემთან სწავლა რთულია, უფრო მაღალი დონეა საჭირო.

ძირითადად, რომელი თაობა ინტერესდება იოგით?

ახლა იოგთ ძირითადად 30დან-40 წლამდე ქალბატონები ინტერესდებიან.

ზოგადად რამდენად მნიშვნელოვაია ადამიანმა დაიცვას ცხოვრების ჯანსაღი წესი?

ადამიანმა ჯანსაღი ცხოვრების წესი, რომ დაიცვას ეს თავად უნდა მოუნდეს. ხოლო მნიშვნელოვანია, თუ არა ასე ცალსახად ვერ ვიტყვი.  ყველამ ის უნდა გააკეთოს, რაც უნდა. ყველა ვერ დაიცავს ცხოვრების ჯანსაღ წესს, ზოგი ჯარისკაცია და ქვეყნის სახელით ომობს, ის ვერ დაიცავს ცხოვრების ჯანსაღ წესს, რადგან  მას გაძლიერებული კვება ჭირდება. მაგრამ ეს იმას არ ნიშნავს, რომ იოგას მასწავლებელსაც ასეთი კვება ჭირდება. ასე, რომ ყველას საკუთარი გზა აქვს, ვიღაცამ უნდა დაიცავს ცხოვრების ჯანსაღი წესი და ვიაღაცამ  არა.

გარდა ფიზიკური სიჯანსაღისა იოგა ადამიანებს სულიერი სიმშვიდის მოპოვებაშიც ეხმარება, როგორ ბალანსდება ეს ყველაფერი?

სულიერი სიმშვიდე, რომ ვახსენოთ ვიღაცამ შეიძლება იფიქროს, რომ ეს ყველაფერი რელიგიას ეწინააღმდეგაბა. არა უბრალოდ ადამიანი, როდესაც იოგით კავდება მას ნევროზი და დეპრესია ესხნება, თავისუფლდება  ნეგატივისა და სტრესისგან,  შემდეგ კი უკვე კარგი და პოზიტიური აზრები მოდის თავში და სიმშვიდესაც ინარჩუნებს. უფრო მეტად იოგა ფსიქიკაზე აისახება.

ჭარბწონიან ადამინებს თუ შეუძლიათ დაკავდნენ იოგით?

იოგა არის ყველასათვის , ვინც არ არის მზად იოგისთვის. ის მას ვერ შეისწავლის და ისე გაატარებს ამ ცხოვრებას, რომ იოგასთან კავშირი არ ექნება. შინაგანად აქვთ ადამიანებს მოთხოვნილება და თუ ეს მოთხოვნილება არსებობს ის ადამიანი იოგაზე თავისით მოვა.

რამენად მალე და იოლად შეიძლება აითვისოს ადამიანმა იოგა?

რასაც ქვია  იოგის შეშწავლა – ეს  გასხივოსნებაა. იოგას შესწავლა -ამ ცნების ხმარება ცოტა არასწორია. იოგა ყველას თავისას მისცემს, ვინ რისთვისაც მზად არის და ვისაც რა უნდა.

01.10.14

ანო მუქათარიძე