ამ დრომდე უცნობია, მოიპოვებენ თუ არა პრეზიდენტის მიერ ხელმეორედ წარდგენილი კანდიდატები დეპუტატთა მხარდაჭერას უზენაეს სასამართლოში მოსახვედრად. იურიდიული კომიტეტის სხდომის გადადების მიზეზად ნინო ბაქაქურისა და ზურაბ ძლიერიშვილის გამოუცხადებლობა დასახელდა. დღევანდელი დღის ნაცვლად კანდიდატურებს მომავალ კვირას განიხილავენ. “იმიტომ, რომ დღეს ვერ მოახერხეს ჩამოსვლა და ძალიან მაღალი ალბათობით განიხილება კომიტეტის სხდომაზე ორშაბათს ეს საკითხი, ანუ სულ რაღაც სამ დღეში. კომიტეტმა მაშინ განიხილა ეს საკითხი, მოუსმინა მოსამართლეებს, იყო კითხვა-პასუხი და კომიტეტმა ერთხმად დაუჭირა მხარი. მე ვერ ვხედავ რაიმე მიზეზს, რის გამოც ეს პოზიცია უნდა შევიცვალო.” – განაცხადა ვახტანგ ხმალაძემ. პრეზიდენტმა კანდიდატები უზენაეს სასამართლოში მოსახვედრად ხელმეორედ 29 სექტემბერს წარადგინა. მანამდე კი ნინო ბაქაქურისა და ზურაბ ძლიერაშვილის კანდიდატურა პარლამენტმა რამდენიმე თვის წინ ჩააგდო. 02.10.14