საქართველოს კულტურისა და ძეგლთა დაცვის მინისტრი მიხეილ გიორგაძე, კულტურული მემკვდრეობის დაცვის ეროვნული სააგენტოს გენერალური დირექტორი ნიკა ანთიძე და რეგიონალური განვითარების სამინისტროს წარმომადგენლები გრაკლიანის არქეოლოგიურ ძეგლს დაათვალიერებს.
გრაკლიანის არქეოლოგიური ექსპედიციის ხელმძღვანელი ვახტანგ ლიჩელი ძეგლზე მისულ სტუმრებს წლების განმავლობაში აღმოჩენილ მასალებს ადგილზე გააცნობს.
გრაკლიანის გორაზე, ღია ცის ქვეშ მუზეუმი შეიქმნება. ქვეყნის ერთ-ერთ ახლადაღმოჩენილ არქეოლოგიურ ძეგლზე და მის ტერიტორიაზე უკვე დამონტაჟებულია საინფორმაციო ბანერები და ნიშნულები, რომელიც ადგილზე მისულ ტურისტებს გრაკლიანის უძველესი ისტორიის შესახებ მოუთხრობს.
კულტურული მემკვიდრეობის დაცვის ეროვნული სააგენტოს დაფინანსებით, წელს გრაკლიანის არქეოლოგიური კვლევები და საკონსერვაციო სამუშაოები განხორციელდა.
არქეოლოგიური ობიექტი 2007 წელს, თბილისი-სენაკი-ლესელიძის მაგისტრალის მშენებლობის დროს აღმოაჩინეს.
ადგილზე გამოვლენილია ძვ.წ.აღ. IV-I ათასწლეულით დათარიღებული საცხოვრებელი კომპლექსი, საკულტო ნაგებობები, სამარხები, თიხის ჭურჭელი, ასევე ბრინჯაოს, რკინის, ვერცხლისა და ოქროს ნივთები, საყოფაცხოვრებო და საბრძლო დანიშნულების იარაღები და სამკაულები.
03.10.14
