ჩემს ხელზე დადებულ ბორკილებს ვუნახავ პოროშენკოს, – ამის შესახებ საქართველოს ყოფილმა პრეზიდენტმა, მიხეილ სააკაშვილმა ”რუსთავი2”-თან საუბრისას განაცხადა.
მისი თქმით, უკრაინის ხელისუფლების მიმართ უარყოფითი დამოკიდებულება აქვთ სამართალდამცველებსაც და უკრაინის ხელისუფლების დრო წასულია. ”მენდეთ, უკრაინის ხელისუფლების დრო წასულია. ბორკილებს ვუნახავ პოროშენკოს. სამართალდამცავები, რომლებიც ჩემს სახლში შემოვიდნენ, მათი ნაწილი ძალიან კარგად იყო განწყობილი ჩვენს მიმართ. ერთი-ორმა ჩუმად მითხრა, რომ ჩვენი აქტივისტები არიან, ”ეს-ბე-უშნიკები”, რომლებთან ერთადაც ავტომობილში ვიყავი, 7-დან 3 ნამდვილად ჩვენს მხარეს იყო და 2 გაურკვევლობაში. დარწმუნებული ვარ, ხელბორკილებს ამათ წინააღმდეგ სიამოვნებით გამოიყენებენ ”ეს-ბე-უშნიკები“. ხელბორკილები მომხსნეს სამართალდამცავებმა და მაინც და მაინც წინააღმდეგობა არ გაუწევიათ ჩემი გათავისუფლების დროს”, – აღნიშნა მიხეილ სააკაშვილმა.
Discussion about this post