მიხეილ თუმანიშვილის სახელობის ხელოვნების საერთაშორისო ფესტივალი “საჩუქარი 2014” 17 ოქტომბრიდან 17 ნოემბრის ჩათვლით გაიმართება.
როგორც “თბილისი თაიმსს” საქართველოს კულტურისა და ძეგლთა დაცვის სამინისტროდან აცნობეს, ფესტივალი სამინისტროს მხარდაჭერით იმართება და ოთხი კვირის განმავლობაში მაყურებელს საშუალება ექნება დაესწროს მსოფლიო პრემიერებს, ქართულ თეატრალურ სივრცეში იხილოს ისეთი ცნობილი რეჟისორები, როგორებიც არიან ანი ბოგარტი, დიმიტრი კრიმოვი, ანდრეი ჟოლდაკი, ანდრონ კონჩალოვსკი და სხვა.
ფესტივალი “საჩუქარი” ედინბურგის, ადელაიდის, მელბურნის, პერტის საერთაშორისო სახელოვნებო ფესტივალების მიერ 1997 წელს დაარსდა და მას მხარს უჭერენ ცნობილი ხელოვანები პიტერ ბრუკი, ანჯეი ვაიდა, ვანესა რედგრეივი, მაიკ ლკანი, ანდრეი კონჩალოვსკი, ტელმა ჰოლტი და სხვები.
ფესტივალი “საჩუქარი” ედინბურგის ფესტივალის ანალოგია. ფესტივალთან დაკავშირებით დღეს მიხეილ თუმანიშვილის კინომსახიობთა თეატრში პრესკონფერენცია გაიმართება.
08.10.14
