ვრცელდება ინფრომაცია, რომ გუშინ ტელეკომპანია “იმედზე” ინგა გრიგოლიას თოქ შოუ “რეაქცია”-ს მიმდინარეობისას ჟურნალისტმა ნათია კობერიძემ ახალგაზრდებს შეურაცხყოფა მიაყენა. თითქოს აღნიშნული ფაქტი მოხდა მაშინ, როდესაც ახალგაზრდებმა აზრი გამოთქვეს და ჟურნალისტი მოდელირებული ქრონიკის ავტორად მოიხსენიეს, რომ ასეთ ადამიანს არ აქვს უფლება საზოგადოებას მორალი უკითხოს.
აღნიშნულის თაობაზე საკუთარ facebook გვერდზე პირველი კურსის ჟურნალისტიკის ფაკულტეტის სტუდენტი გიორგი ჯანჯალაშვილი წერს და ამბობს, რომ ნათია კობერიძემ მას შუა თითი აჩვენა და შემდგომ მას უხამსი სიტყვიერი შეურაცხყოფა მიაყენა. ახალგაზრდა აცხადებს, რომ ფაქტს ჰყავს მოწმეები. თბილისი თაიმსი დაუკავშირდა გიორგი ჯანჯალაშვილს და მან ჩვენთან საუბარშიც დაადასტურა ეს ფაქტი.
სტუდენტ გიორგი ჯანჯალაშვილის facebook კომენტარს უცვლელად გთავაზობთ:
“გუშინ ვიყავი გადაცემა “რეაქციაში” იმის მიუხედავად, რომ სათქმელი ვერ ვთქვი ისე როგორც მინდოდა, მაინც ვთქვი, რომ მარაზმად მიმაჩნია იმ ქალის პათოსი პატრიოტიზმზე, რომელმაც ერს მოდელირებული ქრონიკა აჩუქა და ამით დაამახსოვრა თავი. ამ შემთხვევაში მე არ მაქვს საუბარი ჩვენი მომღერლების მოსკოვურ მვოიაჟებზე. ეს ცალკე თემაა. უბრალოდ სტუდიაში განვითარებულმა დიალოგებმა გამაკვირვა. და ვფიქრობ ამას არ უნდა შეეგუონ ჯანსაღად მოაზროვნე ახალგაზრდები.
ამასაც რომ თავი დავანებოთ, როგორც ჩანს “ლიბერალი და დემოკრატი” მოქალაქისთვის ჩემი, და არა მხოლოდ ჩემი, თავისუფალი აზრი მიუღებელი აღმოჩნდა და ჯერ შუა თითი მიჩვენა, მას შემდეგ რაც მე ჩემი რეპლიკა დავამთავრე და აზრი გამოვხატე. ხოლო რამდენიმე წუთის მერე ფრიად სალანძღავი ქუჩის სამ ასოიანი შეურაცხმყოფელი სიტყვა დამიძახა. მე რა თქმა უნდა თავდაჭერილად ვიყავი და მის ამ უზრდელობას პასუხი არ გავეცი. კიდევ ერთხელ მოახდინა საკუთარი თავის ლუსტრირება. არც ეს იკმარა და როგორც მითხრეს მერე მეძებდა ის სტუდენტი სად არისო მანახეთო… ეს ჩემს გარდა კიდევ სხვა იქ მყოფებმაც დაინახეს.
არ ვთვლი, რომ “ქალი”, რომელიც თსვისუფალი აზრის გამომთქმელ საკუთარი შვილის ტოლა სტუდენტს ამას ეუბნდბა ჩემგან კომენტარის ღირსი იყოს… არც ამ ამბის გავრცელებაზე გავამახვილებდი ყურადრებას. თუმცა, ამ სტატუსს იმიტომ ვწერ, რომ იცოდეს საზოგადოებამ ვინ არის სინამდვილეში და როგორ რეაგირებს თავისუფალ აზრზზე “ქალი”, რომელიც პატრიოტიზმზე და მაღალ მატერიებზე ესაუბრება საზოგადოებას…
ეს ქალი, ნათია კობერიძე, ჟურნალისტი გახლავთ და ხშირად ეძახიან სხვადასხვა მედია საშუალებები აზრის საკითხავად. ვფიქრობ თითოეული ჟურნალისტისთვის, პროდუსერისთვის, რეჟისორისთვის სირცხვილი უნდა იყოს ასეთი ადამიანის აზრები საზოგადოებას თავს მოახვიონ და ასპარეზი მისცე, რომ თავისი სულიერი და პიროვნული მანკიერებების ნთხევა მოახდენინო. ასეთ მოვლენებზე საზოგადოებამ ხმა უნდა აიმაღლოს.
ეს ჩემი აზრია თქვენ თქვენი თქვით.”
თბილისი თაიმსი აღნიშნულ საკითხზე კომენტარისთვის ნათია კობერიძეს დაუკავშირდა:
– გუშინდელი ინგა გრიგოლიას გადაცემის შესახებ აახალგაზრდები ავრცელებენ ინფორმაციას, რომ მათი მისამართით შუა თითი აჩვენეთ და უხამსი სიტყვები გამოიყენეთ და რა კომენტარს გააკეთებთ?
– არა, არ არის სიმართლე.
– ანუ არ ადასტურებთ?
– არა, არ ვადასტურებ.
– მადლობთ.
გიორგი ჯანჯალაშვილი facebook-ზე საკუთარ სტატუსს აღნიშნული ფოტოთი ავრცელებს: 
თბილისი თაიმსმა უკანასკნელი ინფორმაცია გადაამოწმა და ეს ტექსტი ნამდვილად ჰქონდა ქალბატონ ნათიას გაზიარებული, ვინაიდან სოციალურ ქსელში საჯარო გაზიარების ფუნქციით იყო ეს კომენტარი დაწერილი, რედაქციამ მიზანშეწონილად ჩათვალა მითთებული ფოტო, ასევე საჯაროდ, თან დაგვერთო აღნიშნულ საკითხთან დაკავშირებით.
ttimes.ge მზად არის ორივე მხარესთან თანამშორმლობისთვის, თუ ამის საჭიროება და სურვილი გამოითქმება.
