როგორია საქართველოს მთავრობის მენეჯმენტის ხარისხი?

დღეს, ივანე ჯავახიშვილის სახელობის თბილისის სახელმწიფო უნივრსიტეტში გაიხსნა ფორუმი ” საქართველოს მთავრობის მენეჯმენტის ხარისხი – საერთაშორისო შემაჯამებელი ექსპერტიზა, (პრობლემები და გამოწვევები)”.

ფორუმის ორგანიზატორია თსუ-ს “ფუნდამენტური ანალიზისა და პროგნოზირების ცეტრი”. ფორუმზე განიხილეს მსოფლიოს წამყვანი 20-ზე მეტი საერთაშორისო ორგანიზაციისა და პროექტის ექსპერტული სარეიტინგო შეფასებები საქართველოს მთავრობის საქმიანობის ხარისხის თაობაზე; მსოფლიო ბაკის პროექტ Worldwide Governance Indicators -ის (WGI) ფარგლებში მომზადებული საქართველოს მთავრობის შეფასების ანგარიშის მიმოხილვა;

WGI-ის ანგარიში 1996-2013 წლების პერიოდს ეხება და აერთიანებს მთავრობის შეფასების ექვს აგრეგატს მსოფლიოს 200 ქვეყნისა და ტერიტორის შესახებ. ეს აგრეგატებია:

1) ხმა და ანგარიშვალდებულება;

2) პოლიტიკური სტაბილურობა და არაძალადობრივობა;

3) მთავრობის ეფექტიანობა;

4) რეგულირების ხარისხიანობა;

5) კანონის უზენაესობა;

6) კორუფციის კონტროლი (ანტიკორუფციული საქმიანობა).

ანგარიშის მიხედვით, ზემოთჩამოთვლილი ექვსი აგრეგატიდან ოთხში 2013 წლის საქართველოს მთავრობის საქმიანობის ხარისხი 2012 წელთან შედარებით გაუმჯობესებულია, ხოლო სამი მიმართულებით (ხმა და ანგარიშვალდებულება; პოლიტიკური სტაბილურობა და არაძალადობრივობა; კორუფცის კონტროლი) საქართველოს მთავრობის საქმიანობის ხარისხი შეფასებულია ახალი ისტორიული მაქსიმუმის დონეზე.

Worldwide Governance Indicators -ის მიხედვით, 2013 წლის “მთავრობის ეფექტიანობის” მაჩვენებლით საქართველო რეგიონში ლიდერის პოზიციაზეა და უსწრებს უკლებლივ ყველა სახელმწიფოს – თურქეთის, რუსეთის, უკრაინის, სომხეთის, აზერბაიჯანის მთავრობებს. აგრეთვე უსწრებს ევროკავშირის წევრი რამდენიმე სახელმწიფოს ანალოგიურ მაჩვენებელს, მათ შორის იტალიის, რუმინეთის, და ბულგარეთის მთავრობებს. ფორუმს ესწრებოდნენ არასამთავრობო ორგანიზაციების, აკადემიური და კვლევითი ცენტრების წარმომადგენლები, საზოგადოებრივი და სამეცნიერო წრეები.

file:///C:/Users/TBILISI%20TIMES/Downloads/c81.pdf

23.10.14