ლტოლვილთა სამინისტროს ცნობით, „ზაკვოს“ პრობლემა მოგვარებულია. დევნილთა, განსახლებისა და ლტოლვილთა სამინისტროსა და შენობის მეპატრონეს შორის დაწყებული მოლაპარაკება – წარმატებით და შეჭრილი მოსახლეობისთვის უმტკივნეულოდ დასრულდა.
დევნილებმა და სოციალურად დაუცველებმა ვაკე-საბურთალოს გზაზე მდებარე თვითნებურად დაკავებული ყოფილი „ზაკვოს“ შენობა თავად დატოვეს.
„ისინი დროებით საცხოვრებლად სხვაგან გადავიდნენ, ხოლო მას შემდეგ, რაც ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრო თბილისის მიმდებარედ კარკასულ შენობებს რეაბილიტაციას ჩაუტარებს და საცხოვრებელ ბინებს შექმნის, ყველას, მათ შორის სხვადასხვა შენობებში შეჭრილ დევნილებსაც შეეძლებათ, დევნილთა გრძელვადიანი განსახლების კრიტერიუმების შესაბამისად, შეავსონ სპეციალური ანკეტა რომელიც სამინისტრომ არასამთავრობო, სამთავრობო და საერთაშორისო ორგანიზაციებთან შეიმუშავა“, – აცხადებენ დევნილთა სამინისტროში.
შევსებულ ანკეტებს განიხილავს სპეციალური კომისია, დევნილთა ოჯახებს მიენიჭება ქულები და საცხოვრებელი ბინებით მიღებული ქულების შესაბამისად დაკმაყოფილდებიან.
ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრო კატეგორიული წინააღმდეგია ძალადობის და სხვადასხვა შენობებში შეჭრის.
შესაბამისად, ცდილობს, პრობლემა დიალოგისა და მალაპარაკებების გზით მოგვარდეს.
შეგახსენებთ, რომ ანალოგიურად, უმტკვნეულოდ დასრულდა გახმაურებული ბაქოს ქუჩა #1-ში შეჭრილი დევნილების საკითხიც, შეჭრილები დროებით სხვაგან გადავიდნენ, შემდეგ კი დაპირებისამებრ დაკმაყოფილდნენ.
08.05.13
