სახელმწიფო აუდიტის პარტიების ფინანსური მონიტორინგის სამსახურის უფროსი ნათია მოგელაძე საკუთარი განცხადების საფუძველზე, აპრილის ბოლოს თანამდებობიდან გაათავისუფლეს. ინფორმაციას ადასტურებს აუდიტის სამსახურის პრესსამსახური.
მათი განცხადებით, ამ ეტაპზე ფინანსური მონიტორინგის სამსახურის უფროსის თანამდებობა ვაკანტურია და ჯერ-ჯერობით არც მოვალეობის შემსრულებელი დანიშნულა.
ცნობისთვის, ნათია მოგელაძის სახელი საპარლამენტო არჩევნების შემდეგ, გუშინ გაჟღერდა. გაზეთ “ქრონიკა პლუსის” რედაქტორ ელისო კილაძის განცხადებით, უახლოეს მომავალში გამოძიებას გადაეცემა აუდიომასალა, რომელშიც რამდენიმე პირი და მათ შორის ახალი ხელისუფლების ერთ-ერთი მაღალჩინოსანი გიორგი ფარესაშვილის წინააღმდეგ გამოქვეყნებული ვიდეომასალის გავრცელებაზე საუბრობენ.
ელისო კილაძის ინფორმაციით, გულორდავას ხელთ არსებულ მასალაში ფიგურირებდნენ აუდიტის სამსახურის პარტიების ფინანსური მონიტორინგის სამსახურის უფროსი ნათია მოგელაძე და მისი მეუღლე.
08.05.13