ვაშლიჯვარში, გარემოსა და ბუნებრივი რესურსების დაცვის სამინისტროს, გარემოს ეროვნული სააგენტოსა და ატომური ენერგიის საერთაშორისო სააგენტოს მხარდაჭერით დამონტაჟდა ატმოსფერულ ჰაერში რადიოაქტიური აეროზოლების მონიტორინგის უახლესი ავტომატური სისტემა. სისტემის დამონტაჟების პროცესს გარემოსა და ბუნებრივი რესურსების დაცვის მინისტრი ელგუჯა ხოკრიშვილი და გარემოს ეროვნული სააგენტოს უფროსი ვლადიმერ ლაზარიშვილი დაესწრნენ. სისტემის საშუალებით შესაძლებელია ავტომატურ რეჟიმში ჰაერის დიდი მოცულობის სინჯების აღება და გამა–ზონდის მეშვეობით ონლაინ რეჟიმში აეროზოლების (იოდის, ქსენონის, კრიპტონის და სხვა) აქტივობის კონცენტრაციების განსაზღვრა.
