საერთაშორისო ორგანიზაციამ Economist Intelligence Unit (EIU) მსოფლიო ბანკის მეგა-პროექტის The Worldwide Governance Indicators (WGI) ფარგლებში საქართველოს მთავრობის საქმიანობა სხვა პარამეტრებთან ერთად “არჩევანის თავისუფლების და ანგარიშვალდებულების” მიხედვითაც შეაფასა.
EIU-ის მიერ მთავრობები “არჩევანის თავისუფლების და ანგარიშვალდებულების” თვალსაზრისით შეფასდა ისეთი კრიტერიუმებით, როგორიცაა: დემოკრატიის ინდექსი, სახელმწიფო თანამდებობის პირების ანგარიშვალდებულება, ადამიანის უფლებები, ასოციაციების თავისუფლება.
EIU-ის (Economist Intelligence Unit) შეფასებით, 2013 წელს საქართველოში არჩევანის თავისუფლებისა და ანგარიშვალდებულების მაჩვენებელი წინა 7 წლის (2006-2012წწ) საშუალო მაჩვენებელს 7.0 პროცენტული პუნქტით აღემატება და 58.0 %-ს შეადგენს.
EIU-ის მიხედვით, 2012 წელს, არჩევანის თავისუფლებისა და ანგარიშვალდებულების მაჩვენებელი 56.0% იყო, რაც 2013 წლის მაჩვენებელს 2,0 პროცენტული პუნქტით ჩამორჩება.
2013 წელს არჩევანის თავისუფლებისა და ანგარიშვალდებულების მაჩვენებლით საქართველო რეგიონში ყველა ქვეყანას უსწრებს (რუსეთი, თურქეთი, სომხეთი, აზერბაიჯანი, უკრანა) .
ქვემოთ მოცემულ გრაფიკში მოცემულია არჩევანის თავისუფლებისა და ანგარიშვალდებულების მაჩვენებლების შედარება მეზობელ ქვეყნებთან და უკრაინასთან:
EIU-ის მიხედვით, 2013 წელს აღნიშნული მაჩვენებლის სიდიდის მიხედვით პირველი ათეული შემდეგნაირად გამოიყურება.
საქართველო რეიტინგში 66-ე ადგილს იკავებს. აღნიშნული მაჩვენებლის სიდიდით უსწრებს რუმინეთს, თუმცა აღსანიშნავია ისიც, რომ უმნიშვნელოდ ჩამორჩება ევროკავშირის წევრ ისეთ ქვეყნებს, როგორიცაა ბულგარეთი და ხორვატია
აღნიშნულ კვლევასთან დაკვშირებით, დღეს ფორუმი ( “საქართველოს მთავრობის ხარისხი – Economist Intelligence Unit-ის ექსპერტიზა”) “ხელისუფლების საერთაშორისო მონიტორინგის ცენტრმა” მოაწყო. შეხვედრაზე განიხილეს საერთაშორისო ორგანიზაცია Economist Intelligence Unit-ის მიერ მომზადებული ანგარიში. საერთაშორისო ორგანიზაციამ EIU-ის (Economist Intelligence Unit) მსოფლიო ბანკის მეგა-პროექტის The Worldwide Governance Indicators (WGI) ფარგლებში მსოფლიო მთავრობების საქმიანობის ხარისხი შეაფასა, რომელთა შორისაც საქართველოს 2013 წლის მთავრობის ანალიზიც წარმოადგინა. EIU-ის მიერ შეფასება განხორციელდა 4 აგრეგატის მიხედვით : მთავრობის ეფექტიანობა; რეგულირების ხარისხიანობა; კანონის უზენაესობა; არჩევანის თავისუფლება და ანგარიშვალდებულება.
აღნიშნული 4 აგრეგატის მიხედვით, საქართველოს 2013 წლის მთავრობა საქმიანობის ხარისხით რეგიონში ლიდერის პოზიციაზეა, “ეფექტიანობის დონით” ევროკავშირის 11 სახელმწიფოს უსწრებს, ხოლო “კანონის უზენაესობის” მიხედვით ისტორიული მაქსიმუმის დონეზეა შეფასებული.
03.11.14
