პოლიტიკურმა პარტიამ “თავისუფალმა დემოკრატებმა” კოალიცია “ქართული ოცნება” დატოვა. ამის შესახებ ცნობილი კოალიციის პოლიტსაბჭოს სხდომის პარალელურად გახდა ცნობილი , რომელსაც “თავისუფალი დემოკრატების” ლიდერი ირაკლი ალასანიაც ესწრებოდა. აღნიშნული პარტიის მხრიდან კოალიციის დატოვებას წინ ბოლო დღეებში განვითარებული მოვლენები უძღოდა.
პარტია 2009 წელს ჩამოყალიბდა. პარტია იყო წევრი პოლიტიკური ალიანსისა “ალიანსი საქართველოსთვის”. ალიანსი ერთ-ერთი მონაწილე იყო საპროტესტო აქციებისა 2009 წლის 9 აპრილიდან 26 მაისამდე, რომელთა მიზანი მიხეილ სააკაშვილის გადაყენება იყო.
2009 წლის 22 სექტემბერს ალიანსმა თბილისის თვითმმართველობის არჩევნებში მერის კანდიდატურაზე ალიანსის ლიდერი, ირაკლი ალასანია, წარადგინა, ხოლო საკრებულოს თავმჯდომარედ – ყოფილ სახალხო დაცველი – სოზარ სუბარი.
2010 წლის თვითმართველობის არჩევნებში ალიანსი გავიდა თბილისის მასშტაბით მეორე, ხოლო ქვეყნის მასშტაბის მესამე ადგილზე. ირაკლი ალასანიამ ხმათა 19% მიიღო. 2010 წლის ივლისში ალიანსი დაიშალა. 2011 წლიდან პარტია ბიძინა ივანიშვილის კოალიცია “ქართული ოცნების” წევრია. 2012 წლის საპარლამენტო არჩევნებში კოალიციამ ხმათა 54%-ით გაიმარჯვა, პარტიამ კი პარლამენტში 11 წევრიანი ფრაქცია შექმნა. პარტია “თავისუფალი დემოკრატების” წევრია იუსტიციის მინისტრი თეა წულუკიანი და ევრიპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ალექსი პეტრიაშვილი.
05.11.14
